Sun,26 June 2022,4:32 pm
Print
header

દેશમાં પેટ્રોલ-ડીઝલની કટોકટી, ખેડૂતો-ડીલરોની મુશ્કેલીઓ વધી- Gujarat Post

નવી દિલ્હીઃ ઉત્તર પ્રદેશ, રાજસ્થાન, મધ્યપ્રદેશ, હરિયાણા, ગુજરાત અને કર્ણાટક સહિત દેશના ઘણા ભાગોમાં પેટ્રોલ - ડીઝલની કટોકટી શરૂ થઈ ગઈ છે.અનેક જગ્યાએ કલાકો સુધી પંપ બંધ રાખવા પડે છે. જેને કારણે ખેતી સાથે જોડાયેલા ખેડૂતોની મુશ્કેલીઓ વધી રહી છે. પેટ્રોલિયમ ડીલરોનું કહેવું છે કે ઓઈલ કંપનીઓ સપ્લાય કટોકટી માટે કોઈ સ્પષ્ટ કારણ આપી રહી નથી. ગયા વર્ષના જૂનની સરખામણીએ આ જૂનમાં માંગ 48 થી 54 ટકાનો વધારો થયો છે. પંપ સંચાલકોની મુશ્કેલી વધી રહી છે, ગ્રાહકો અને ખેડૂતોના પ્રશ્નોના જવાબ આપવા મુશ્કેલ બની રહ્યાં છે. 

નિષ્ણાતોનું કહેવું છે કે આંતરરાષ્ટ્રીય બજારમાં કાચા તેલની કિંમતમાં સતત વધારો થઈ રહ્યો છે. છેલ્લા કેટલાક સમયથી સરકારી કંપનીઓ આંતરરાષ્ટ્રીય બજારના પ્રમાણમાં તેલના ભાવમાં વધારો કરી શકતી નથી. તેનાથી કંપનીઓના નફામાં ઘટાડો થઈ રહ્યો છે. પેટ્રોલિયમ ડીલરોના જણાવ્યાં અનુસાર, રિલાયન્સે તેના પંપ પર પેટ્રોલ અને ડીઝલનો સપ્લાય બંધ કરી દીધો છે. નાયરા ડીઝલની માંગના માત્ર 40% અને પેટ્રોલની માંગના 50% પૂરા પાડે છે. HPCL એ એડવાન્સ પેમેન્ટ કર્યં હોવા છંતા માત્ર બે થી ત્રણ દિવસની જરૂરિયાત પુરી પાડવામાં આવી રહી છે.દેશના ઘણા ભાગોમાં આકરી ગરમીને કારણે ડાંગરમાં સિંચાઈ માટે ડીઝલની માંગ વધી છે.

પેટ્રોલિયમ અને પ્રાકૃતિક ગેસ મંત્રાલયે આ સંકટ પર એક નિવેદન બહાર પાડ્યું છે. મંત્રાલયે માન્ય કર્યું છે કે ચોક્કસ સ્થળોએ અમુક વિસ્તારોમાં પેટ્રોલ અને ડીઝલની માંગમાં નોંધપાત્ર વધારો થયો છે. ગયા વર્ષના સમાન સમયગાળાની સરખામણીએ જૂન 2022 ના પ્રથમ છ મહિનામાં તેમાં 50 ટકાનો વધારો થયો છે.રાજસ્થાન, મધ્ય પ્રદેશ અને કર્ણાટક જેવા કેટલાક રાજ્યોમાં ચોક્કસ સ્થળોએ પેટ્રોલ અને ડીઝલની માંગ વધી છે. પરંતુ ઉત્પાદન માંગને પહોંચી વળવા માટે પૂરતું છે. 

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch