Sun,26 June 2022,5:40 pm
Print
header

આત્મહત્યાની આશંકા, હૈદરાબાદમાં ઘરના બાથરૂમમાંથી મળી ફેશન ડિઝાઈનરની લાશ- Gujarat Post

તેલંગાણા: સેલિબ્રિટી અને ફેશન ડિઝાઇનર પ્રત્યુષા ગરિમેલાની બંજારા હિલ્સના ઘરેથી લાશ મળી આવી છે. ગરિમેલા નામના લેબલની સ્થાપક પ્રત્યુષા બંજારા હિલ્સમાં ફેશન સ્ટુડિયો ચલાવતી હતી, ટોલીવુડ, બોલિવૂડ અને અન્ય ક્ષેત્રોના લોકો માટે કપડાં ડિઝાઇન કરતી હતી. બંજારા હિલ્સના સર્કલ ઈન્સ્પેક્ટરે કહ્યું કે તેની લાશ બાથરૂમમાંથી મળી આવી હતી. તેના મૃતદેહને પોસ્ટમોર્ટમ માટે ઓસ્માનિયા હોસ્પિટલ મોકલવામાં આવ્યો છે. તેણે આપઘાત કર્યો હોવાની આશંકા છે.

પોલીસે તેના બેડરૂમમાંથી કાર્બન મોનોક્સાઇડ સિલિન્ડર જપ્ત કર્યું છે.આ સમગ્ર મામલે બંજારા હિલ્સમાં શંકાસ્પદ મૃત્યુ સંબંધિત જોગવાઈઓ હેઠળ કેસ નોંધવામાં આવ્યો છે. તેને ફેશન કારકિર્દી શરૂ કરતા પહેલા યુકેમાં અભ્યાસ કર્યો હતો ત્યારબાદ તે પિતાના વ્યવસાય એલઇડી મેન્યુફેક્ચરિંગ કંપનીમાં જોડાઈ હતી. શંકાસ્પદ મૃત્યુ કેસમાં પોલીસે આશંકા વ્યક્ત કરી છે કે ફેશન ડિઝાઇનરે કોઈ ઝેરી કેમિકલ શ્વાસમાં લઈને આત્મહત્યા કરી છે. હાલમાં આસપાસના લોકોની પૂછપરછ કરીને પોલીસે વધુ તપાસ હાથ ધરી છે.

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch