Wed,10 August 2022,7:29 am
Print
header

નવું જોખમઃ અંતરિક્ષમાં ચીનનો ઉપગ્રહ બેકાબૂ બનતા ગમે ત્યાં પડી શકે છે, ભારત પણ રડારમાં - Gujarat Post

(ફાઈલ તસવીર)

24 જુલાઈએ ચીન દ્વારા લોન્ચ કરાયો હતો ઉપગ્રહ

અમેરિકાની સાથે આફ્રિકા, ઓસ્ટ્રેલિયા, બ્રાઝિલ, ભારત અને દક્ષિણપૂર્વ એશિયા રડારમાં

બેઇજિંગઃ ચીની ઉપગ્રહનો કાટમાળ આગામી કેટલાક દિવસોમાં થોડા સમય માટે પૃથ્વી પર ક્રેશ થવાની તૈયારીમાં છે. ભારત સહિત ઘણા દેશો તેની રડારમાં છે. કેલિફોર્નિયા સ્થિત એનજીઓ એરોસ્પેસ કોર્પના જણાવ્યાં અનુસાર, 24 જુલાઈએ ચીન દ્વારા લોન્ચ કરવામાં આવેલા લોંગ માર્ચ 5 બી ઉપગ્રહનો એક ભાગ 31 જુલાઇની આસપાસ અનિયંત્રિત થઈ પૃથ્વીની કક્ષામાં પ્રવેશ કરશે. આ ઉપગ્રહનું વજન 23 મેટ્રિક ટન છે.

એરોસ્પેસની આગાહી અનુસાર કાટમાળ તૂટી પડવાના સંભવિત વિસ્તારોમાં અમેરિકાની સાથે આફ્રિકા, ઓસ્ટ્રેલિયા, બ્રાઝિલ, ભારત અને દક્ષિણપૂર્વ એશિયાનો સમાવેશ થાય છે. જો કે ચીન આ ચિંતાને નકારી રહ્યું છે.ગ્લોબલ ટાઇમ્સ અખબારે એક નિષ્ણાતને ટાંકીને જણાવ્યું હતું કે અમેરિકા એરોસ્પેસ સેક્ટરમાં ચીનના વિકાસને રોકી શક્યું નથી, તેના પર આવા બનાવટી આક્ષેપો કર્યાં છે. આલોચકોના કહેવા મુજબ યુએસની સાથે ચીનની વધતી જતી અવકાશ રેસ વિશ્વ માટે જોખમી છે.  

મે 2021 માં લોંગ માર્ચ ઉપગ્રહના કેટલાક ટુકડાઓ હિંદ મહાસાગરમાં ખાબક્યા હતા. નાસાના એડમિનિસ્ટ્રેટર બિલ નેલ્સને કહ્યું ચીન અવકાશના કાટમાળ સંબંધિત જવાબદાર ધોરણોને પૂર્ણ કરવામાં નિષ્ફળ ગયું છે.

https://www.gujaratpost.in પર સૌથી ઝડપી સમાચાર 

ગુજરાતના અન્ય લેટેસ્ટ સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch