Sat,13 June 2026,2:27 pm
Print
header

ગુજરાત પંચાયત સેવાના 111 કર્મચારીઓની ઓનલાઇન આંતર જિલ્લા ફેરબદલીના હુકમ

  • Published By dilip patel
  • 2026-05-22 17:48:20
  • /

ગાંધીનગરઃ રાજ્ય સરકારના પંચાયત, ગ્રામ ગૃહ નિર્માણ અને ગ્રામ વિકાસ વિભાગ, સચિવાલય, ગાંધીનગર દ્વારા તા. 22 મે 2026 ના રોજ પંચાયત સેવા સંવર્ગના સીધી ભરતીના બિનરાજ્યપત્રિત કર્મચારીઓની સ્વવિનંતીથી ઓનલાઇન આંતર જિલ્લા ફેરબદલી કરવા અંગેનો મહત્વનો હુકમ બહાર પાડવામાં આવ્યો છે.  

આ બદલીઓ ગુજરાત પંચાયત સેવા (નોકરોની બદલી) નિયમો-1995 ના નિયમ-3 ના પેટા નિયમ (1) ના ખંડ (ખ) હેઠળ કરવામાં આવી છે.  કર્મચારીઓ દ્વારા સંબંધિત જિલ્લા વિકાસ અધિકારીઓ (DDO) મારફત ઓનલાઇન અરજીઓ મંગાવવામાં આવી હતી, જેના પર વિચારણા કર્યા બાદ સરકાર દ્વારા આ આદેશ આપવામાં આવ્યો છે.  

આ બદલી કર્મચારીઓની સ્વ-વિનંતીથી થયેલી હોવાથી તેઓ કોઈ પણ પ્રકારના મુસાફરી ખર્ચ, બદલી ભથ્થું કે વાટચાલના સમય માટે હક્ક દાવો કરી શકશે નહીં. કર્મચારીની અગાઉની સેવાઓ  સિનિયોરિટી સિવાયના અન્ય તમામ હેતુઓ માટે સળંગ ગણવાની રહેશે. જો બદલી પામેલા જિલ્લામાં જગ્યાના અભાવે નોકરીમાંથી છૂટા થવાનું થશે, તો કર્મચારી તે અંગે કોઈ હક્ક દાવો કરવા હકદાર રહેશે નહીં.

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch