Thu,21 May 2026,4:52 am
Print
header

હર્ષ સંઘવીને ડેપ્યુટી CM તરીકે પ્રમોશન મળવાની અટકળો, ભૂપેન્દ્ર પટેલ સરકારમાં બની શકે છે નંબર 2

  • Published By dilip patel
  • 2025-10-17 09:53:55
  • /

ગાંધીનગર: ગુજરાતના રાજકારણમાંથી મોટા સમાચાર સામે આવી રહ્યા છે. વર્તમાન ગૃહ રાજ્યમંત્રી હર્ષ સંઘવીને નાયબ મુખ્યમંત્રી (Deputy Chief Minister) તરીકે પ્રમોશન મળી શકે છે, જેના કારણે તેમને મુખ્યમંત્રી ભૂપેન્દ્ર પટેલની સરકારમાં નંબર ૨ નું સ્થાન મળી શકે છે. રાજકીય વર્તુળોમાં આ અંગેની અટકળો તેજ બની છે.

સૂત્રોના જણાવ્યાં અનુસાર, ભારતીય જનતા પાર્ટી (BJP) રાજ્ય કક્ષાના મંત્રી તરીકે સારું પ્રદર્શન કરનાર યુવા નેતાઓને પ્રોત્સાહન આપવાની નીતિ પર કામ કરી રહી છે. સુરતની મજૂરા બેઠકના ધારાસભ્ય અને હાલમાં ગૃહ, રમતગમત, યુવા અને સાંસ્કૃતિક પ્રવૃત્તિઓ સહિતના મહત્ત્વના વિભાગો સંભાળતા હર્ષ સંઘવીને કેબિનેટ મંત્રી તરીકે બઢતી આપીને તેમને નાયબ મુખ્યમંત્રી બનાવવામાં આવે તેવી શક્યતા છે.

હર્ષ સંઘવી ગુજરાત ભાજપના સૌથી લોકપ્રિય યુવા નેતાઓમાંના એક ગણાય છે. 2012 માં, તેઓ 27 વર્ષની ઉંમરે ગુજરાત વિધાનસભામાં સૌથી યુવા ધારાસભ્ય તરીકે ચૂંટાયા હતા. યુવા નેતૃત્વ, કાર્યક્ષમતા અને સંગઠન તેમજ સરકારમાં તેમના પ્રદર્શનને આ પ્રમોશનનું મુખ્ય કારણ માનવામાં આવે છે.

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch