Sun,27 November 2022,3:06 am
Print
header

ગુજરાતમાં ચૂંટણીમાં ફરજ પરથી હટાવાયા આ IAS અધિકારીને, ઇન્સ્ટાગ્રામ પર પબ્લિસિટી સ્ટંટ કરવો પડ્યો ભારે- Gujarat Post News

અમદાવાદઃ ગુજરાતમાં આગામી વિધાનસભા ચૂંટણી માટે તમામ રાજકીય પક્ષો એડીચોટીનું જોર લગાવી રહ્યાં છે. ચૂંટણી પંચ દ્વારા તૈયારીઓ કરવામાં આવી રહી છે.આ બધાની વચ્ચે ચૂંટણીમાં ફરજમાં રોકાયેલા એક આઈએએસ અધિકારીએ સોશિયલ મીડિયા એકાઉન્ટ પર 'સેલ્ફ પ્રમોશન' કર્યું હતુ, જેથી ચૂંટણી પંચે તેમને તાત્કાલિક અસરથી ફરજ પરથી દૂર કરી દીધા છે. ચૂંટણી આયોગે આ તસવીરો શેર કરવાને ખોટો પબ્લિસિટી સ્ટંટ ગણાવ્યો છે.

યુપી કેડરના આઇએએસ અધિકારી અભિષેક સિંહને અમદાવાદના બાપુનગર અને અસારવા વિધાનસભા મતક્ષેત્રો માટે ઓબ્ઝર્વર બનાવવામાં આવ્યાં હતા. ડ્યૂટી મળ્યાં બાદ તેમને તેમની પોઝિશનનો ખોટો ઉપયોગ 'પબ્લિસિટી સ્ટંટ' માટે કર્યો હતો. આ વાતની નોંધ લઈને પંચે તરત જ 2011 બેચના અધિકારી અભિષેકસિંહને ઓબ્ઝર્વરની જવાબદારીમાંથી મુક્ત કર્યાં છે. આગામી આદેશ સુધી કોઈ પણ પ્રકારની ચૂંટણીલક્ષી જવાબદારી ન આપવાનો આદેશ કરાયો છે.

ઇન્સ્ટાગ્રામ પર આ અધિકારીના ત્રણ મિલિયનથી વધુ ફોલોઅર્સ 

IAS ઓફિસર અભિષેક સિંહ સોશિયલ મીડિયા પર ખૂબ એક્ટિવ છે. ઇન્સ્ટાગ્રામ પર તેમના 30 લાખથી વધુ ફોલોઅર્સ છે. ગુજરાત ચૂંટણીમાં જવાબદારી મળ્યાં બાદ તેમણે ઇન્સ્ટાગ્રામ પર બે તસવીરો શેર કરી છે. જેમાં તે પોતાની કાર લઈને ઉભા છે. ફોટોના કેપ્શનમાં લખ્યું હતું કે, "ગુજરાત ચૂંટણીના ઓબ્ઝર્વર તરીકે અમદાવાદમાં..  

ગુજરાતમાં બે તબક્કામાં યોજાશે ચૂંટણી

ગુજરાતમાં વિધાનસભાની ચૂંટણી બે તબક્કામાં યોજાશે. પ્રથમ તબક્કો 1 ડિસેમ્બરે અને બીજો તબક્કો 5 ડિસેમ્બરે યોજાશે. 8 ડિસેમ્બરે પરિણામ આવશે. આ માટે રાજ્યમાં જોરશોરથી તૈયારીઓ ચાલી રહી છે. આ ચૂંટણીમાં ત્રિકોણીય મુકાબલો છે. કારણ કે આ વખતે ભાજપ અને કોંગ્રેસ ઉપરાંત આમ આદમી પાર્ટી પણ પૂરી તૈયારી સાથે મેદાનમાં છે. 

રાજનીતિના સમાચારો માટે આ લિંક પર ક્લિક કરો 

Politics | Gujarat Post

ગુજરાતના અન્ય લેટેસ્ટ સમાચારો માટે આ લિંક પર ક્લિક કરો Gujarat | Gujarat Post

સૌથી ઝડપી સમાચારો માટે આ લિંક પર ક્લિક કરો 

Gujarat Post News | Gujaratpost | Gujaratpostnews | Gujarati news webportel| Gujarati news website

પોપ્યુલર સ્ટોરી માટે આ લિંક પર ક્લિક કરો 

Popular stories | Gujarat Post

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch