Fri,30 September 2022,2:05 pm
Print
header

એક્સાઇઝ પોલિસી મુદ્દે EDની મોટી કાર્યવાહી, દેશભરમાં 40 સ્થળોએ દરોડા- gujarat post

દારૂનું વેચાણ કરનારાઓની લાઇસન્સ ફી માફ કરવાથી સરકારને 144 કરોડ રૂપિયાનું નુકસાન થયું

નવી દિલ્હીઃ એન્ફોર્સમેન્ટ ડિરેક્ટોરેટે ફરી એક વખત દિલ્હી એક્સાઇઝ પોલિસી કેસમાં મોટી કાર્યવાહી કરી છે. મળતી માહિતી મુજબ EDની ટીમે દેશભરમાં 40 સ્થળો પર દરોડા પાડ્યાં છે.આ દરોડા આંધ્રપ્રદેશ, કર્ણાટક, તમિલનાડુ અને દિલ્હી-એનસીઆરના નેલ્લોરના દારૂ વિક્રેતાઓ, વિતરકો અને સપ્લાય ચેઇન નેટવર્કના પરિસર પર પાડવામાં આવ્યાં છે. અગાઉ, કેન્દ્રીય તપાસ એજન્સીએ 6 સપ્ટેમ્બરે દેશભરમાં લગભગ 45 સ્થળોએ સર્ચ ઓપરેશન હાથ ધર્યું હતું.

દિલ્હી સરકારની નવી એક્સાઈઝ પોલિસી સવાલોના ઘેરામાં છે. ભારતીય જનતા પાર્ટીએ આ અંગે દિલ્હીના નાયબ મુખ્યમંત્રી મનીષ સિસોદિયા પર કૌભાંડનો આરોપ લગાવ્યો છે. આ સંદર્ભમાં સીબીઆઈએ મનીષ સિસોદિયાના ઘર અને બેંક લોકરની તપાસ કરી હતી, જો કે સીબીઆઇને કંઇ હાથ લાગ્યું નથી.

આ હતો કેસ ?

એલજીએ દિલ્હીના સચિવના રિપોર્ટને આધારે સીબીઆઈ તપાસની ભલામણ કરી હતી. આ રિપોર્ટ 8 જુલાઈએ મોકલવામાં આવ્યો હતો. જેમાં ગત વર્ષે લાગુ કરાયેલી એક્સાઈઝ પોલિસી પર પ્રશ્નો ઉઠાવવામાં આવ્યાં હતા.એક્સાઇઝ પોલિસી (2021-22) બનાવવા અને અમલમાં લાવવામાં બેદરકારી તેમજ નિયમોની અવગણના અને પોલિસીના અમલીકરણમાં ગંભીર ક્ષતિ હોવાના આક્ષેપો છે. આમાં, અન્ય બાબતોની સાથે, ટેન્ડરોને અંતિમ સ્વરૂપ આપવામાં અનિયમિતતા અને પસંદ કરેલા વિક્રેતાઓને ટેન્ડર પછીના લાભોનો સમાવેશ થાય છે. રિપોર્ટમાં એવો પણ આક્ષેપ કરવામાં આવ્યો છે કે દારૂનું વેચાણ કરનારાઓની લાઇસન્સ ફી માફ કરવાથી દિલ્હી સરકારને 144 કરોડ રૂપિયાનું નુકસાન થયું છે. આબકારી મંત્રી તરીકે મનીષ સિસોદિયાએ આ જોગવાઈઓની અવગણના કરી છે. અને આમ આદમી પાર્ટી, કેજરીવાલે ફાયદો મેળવ્યો હોવાની ચર્ચાઓ છે.

https://www.gujaratpost.in પર સૌથી ઝડપી સમાચાર 

ગુજરાતના અન્ય લેટેસ્ટ સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch