સુરતમાં હીરાના મંદીએ વધુ એક પરિવારનો ભોગ લીધો
સુરતઃ શહેરની ઓળખ ડાયમંડ નગરી તરીકેની છે. પરંતુ છેલ્લા થોડા સમયથી હીરા ઉદ્યોગમાં મંદીના વાદળ છવાયેલા છે. જેના કારણે અનેક પરિવારોની આજીવિકા છીનવાઈ ગઈ છે. આ મંદીમાં લોકો લોનના હપ્તા પણ ભરી શકતા નથી. સુરતમાં એક રત્ન કલાકારના પરિવારે લોનના હપ્તા ન ભરી શકતાં સામૂહિક આપઘાત કરી લીધો છે.
અમરોલી રોડ પર આવેલા એન્ટેલિયા ફ્લેટમાં 50 વર્ષીય માતા-પિતા અને 30 વર્ષીય પુત્રએ દવા પી આપઘાત કર્યો હતો. ઘટનાની જાણ થતાં સ્થાનિક લોકો દ્વારા તમામને તાત્કાલિક હોસ્પિટલ ખસેડવામાં આવ્યાં હતાં, જ્યાં ત્રણેયને ફરજ પરના તબીબે મૃત જાહેર કર્યા હતાં. 50 વર્ષીય ભરતભાઈ દિનેશભાઈ સસાંગિયા હીરાના વ્યવસાય સાથે સંકળાયેલા હતા. પત્ની વનિતાબેન હાઉસ વાઇફ હતાં. 30 વર્ષીય પુત્ર હર્ષ રત્નકલાકાર તરીકે કામ કરતો હતો. દિવાળી બાદ હીરા ઉદ્યોગમાં મંદીના કારણે તેની નોકરી છૂટી ગઈ હતી.
હીરામાં મંદીના કારણે પિતા અને પુત્ર બંનેનાં કામ બંધ થઈ ગયા હતા. ભરતભાઈ છેલ્લા બે મહિનાથી વોચમેન તરીકે કામ કરી રહ્યા હતા.પુત્ર હર્ષની પણ નોકરી છૂટી જવાના કારણે તે હાલ એક કંપનીમાં લોન ડિપાર્ટમેન્ટમાં કામ કરી પરિવારને આર્થિક રીતે મદદરૂપ થતો હતો. હાલ જે ફ્લેટમાં રહેતા હતા તેની લોન ચાલતી હતી, છેલ્લા ઘણા મહિનાઓથી આ લોનના હપ્તા ચૂકવાયા ન હતા, જેથી આર્થિક સંકડામણમાં આખો પરિવાર પીસાઇ રહ્યો હતો.
મૃતકના ઘરમાંથી એક સ્યૂસાઇડ નોટ પણ મળી આવી હોવાનું જાણવા મળ્યું છે, જેમાં લેણદારો હેરાન કરતા હોવાનો ઉલ્લેખ કરવામાં આવ્યો હોવાનું સામે આવ્યું છે. અમરોલી પોલીસ દ્વારા વધુ તપાસ કરવામાં આવી રહી છે. એક જ પરિવારના ત્રણ-ત્રણ સભ્યોએ અચાનક આપઘાતનું પગલું ભરી લેતાં સગાંસંબંધીઓમાં શોકનો માહોલ છવાઈ ગયો છે.
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
ટ્રેડિંગના નામે રૂ. 1.84 કરોડની સાયબર છેતરપિંડી કરનાર વધુ એક આરોપીની ધરપકડ | 2025-11-17 21:47:34
તમે સાવધાન રહેજો....અમદાવાદમાં વૃદ્ધને ડિઝિટલ એરેસ્ટ કરીને રૂપિયા 17 લાખ પડાવી લેવાયા | 2025-11-17 21:27:05
સાઉદીમાં હૈદરાબાદનો આખો પરિવાર ખતમ થઇ ગયો, બસમાં આગ લાગતા 18 લોકોનાં મોત | 2025-11-17 21:03:25
મુન્દ્રા બંદર પર DRI ની મોટી કાર્યવાહી, 5 કરોડ રૂપિયાના ચાઇનીઝ ફટાકડા જપ્ત | 2025-11-17 20:45:54
બાંગ્લાદેશના પૂર્વ વડાંપ્રધાન શેખ હસીનાને ફાંસીની સજા, ICTએ સંભળાવ્યો ચૂકાદો | 2025-11-17 15:47:35
ભાવનગરમાં ફોરેસ્ટ અધિકારીએ જ પત્ની-સંતાનોની કરી હત્યા, લાશ સાથે પથ્થરો બાંધીને દાટી દીધા | 2025-11-17 12:17:07
ACB ટ્રેપમાં ફસાયા UGVCL ના જુનિયર એન્જિનિયર, રૂપિયા 50 હજારની લાંચ લીધી હતી | 2025-11-17 09:46:36
બીલીમોરામાં SMC ની ટીમ અને ગુંડાઓ વચ્ચે ફાયરિંગ, હથિયારોની આપ-લે કરવા આવેલા આરોપીને પગમાં ગોળી વાગી | 2025-11-11 19:16:34
સુરતમાં ઘર કંકાસથી કંટાળેલા હોમિયોપેથી ડૉક્ટર કર્યો આપઘાત, લગ્નને 2 વર્ષ જ થયા હતા | 2025-11-10 15:09:59
નેપાળમાં ટ્રેકિંગ દરમિયાન ગુમ થયેલા બારડોલીના પિતા-પુત્રીના મૃતદેહ મળ્યાં | 2025-11-10 11:01:20
સાયબર છેતરપિંડી દ્વારા રૂ.10 કરોડ પડાવ્યાં, ક્રિપ્ટોમાં ફેરવીને પાકિસ્તાન મોકલ્યાં, સુરતમાં આંતરરાષ્ટ્રીય મની લોન્ડરિંગ નેટવર્કનો પર્દાફાશ | 2025-11-08 22:37:03
સુરત:.મહિલા RFO સોનલ સોલંકી કારમાંથી લોહીલુહાણ હાલતમાં મળ્યાં | 2025-11-07 10:21:59
Copyright © 2025 Gujarat Post News.
Whatsapp
