જીરું ખાવાના સ્વાસ્થ્ય લાભો જાણીને તમને થશે આશ્ચર્ય, મોટાપાથી લઈને ડાયાબિટીસ માટે છે ફાયદાકારક- Gujarat Post

આપણા ઘરનું રસોડું એક એવી જગ્યા છે જ્યાં ઘણા પોષક તત્વો ઘણા રોગોને દૂર કરે છે. આ પોષક તત્વોમાંથી એક છે જીરું. કોઈ પણ શાક હોય કે દાળ હોય કે ભાત લગભગ તમામ પ્રકારના ખોરાકમાં જીરુંનો ઉપયોગ કરવામાં આવે છે.જીરું આપણા ખોરાકમાં સ્વાદ વધારે છે. તે આપણા સ્વાસ્થ્ય માટે ખૂબ ફાયદાકારક છે.

જીરું એક ખાસ પ્રકારની ઔષધિ છે જેનો ઉપયોગ ભોજનની સાથે ઘણા બધા રોગોને દૂર કરવા માટે કરવામાં આવે છે. તેના સ્વાસ્થ્ય લાભોને કારણે તેની માંગ સમગ્ર વિશ્વમાં છે.તેનો ઉપયોગ ઘણા પ્રકારના રોગોમાં ઘરેલું ઉપચારમાં કરવામાં આવે છે. જીરામાં આવા અનેક ગુણ રહેલા છે, જે અનેક રોગોને મૂળમાંથી દૂર કરે છે.

જાણીએ જીરાના કેટલાક મોટા સ્વાસ્થ્ય લાભ

પાચનમાં ફાયદાકારક

જીરુંનો ઉપયોગ મુખ્યત્વે અપચાની સમસ્યાને દૂર કરવા માટે થાય છે. ઘણીવાર જ્યારે પણ બાળકોને પેટના અપચાની સમસ્યા થાય છે, ત્યારે માતાઓ તેમને જીરું ખાવાની સલાહ આપે છે. તેના સેવનથી પાચન ઉત્સેચકોની પ્રવૃત્તિ વધારવામાં મદદ મળે છે અને પાચન યોગ્ય રહે છે. જીરું લીવરમાંથી પિત્તનો સ્ત્રાવ વધારી શકે છે.

બ્લડ સુગરને નિયંત્રિત કરવામાં મદદ કરે છે

જો તમને ડાયાબિટીસની સમસ્યા હોય તો જીરાથી તેને કંટ્રોલ કરી શકો છો. જો આઠ અઠવાડિયા સુધી રોજ એક ચોક્કસ માત્રામાં જીરું ખાવામાં આવે તો તે લોહીમાંથી હાનિકારક ટ્રાઇગ્લિસરાઇડ્સને ઘટાડે છે.

સ્થૂળતા ઘટાડવામાં મદદ 

જો તમારું વજન ખૂબ વધી ગયું છે અને તમે જાડાપણું ઓછું કરવા માંગો છો, તો જીરું તમને આમાં મદદ કરે છે. કેટલાક અહેવાલોમાં એવું બહાર આવ્યું છે કે જીરું ન ખાનાર મહિલાઓ કરતાં જીરું સાથે જમતી મહિલાઓનું વજન વધુ ઘટ્યું હતું.

કોલેસ્ટ્રોલને સુધારે છે

જીરું શરીરમાં વધેલા કોલેસ્ટ્રોલને નિયંત્રિત કરવામાં અને ઘટાડવામાં મદદ કરે છે. દરરોજ ૩ ગ્રામ જીરુંનું સેવન કરવાથી ખરાબ કોલેસ્ટ્રોલ અને ટ્રાઇગ્લિસરાઇડ ઘટાડવામાં મદદ મળી શકે છે.

જીરું તણાવ ઘટાડે છે

જીરુંનો સૌથી મોટો સ્વાસ્થ્ય લાભ એ છે કે તે તણાવ ઘટાડીને માનસિક સ્વાસ્થ્યને મજબૂત બનાવવામાં મોટી ભૂમિકા ભજવે છે. જીરામાં મળતા એન્ટીઓક્સીડેન્ટ્સ તણાવને ઓછો કરવામાં વિટામીન સી કરતા વધુ અસરકારક હોય છે.

(Disclaimer- આ લેખમાં દર્શાવેલા સૂચનો માત્ર સામાન્ય માહિતીના હેતુ માટે છે, તેને વ્યાવસાયિક તબીબી સલાહ તરીકે ન લેવા જોઈએ.કોઈ પણ રોગ માટે ડૉક્ટરની સલાહ લેવી જરૂરી છે. GUJARATPOST NEWS આ માહિતીને લગતી કોઇ પણ જવાબદારી સ્વીકારતું નથી)