Thu,09 April 2020,8:39 am
Print
header

ગુજરાતમાં કોરોનાના 33 પોઝિટિવ કેસ, જાણો કોરોનાગ્રસ્ત યુવતીએ શું કહ્યું ?

અમદાવાદઃ રાજ્યમાં કોરોના પોઝિટિવના 33 કેસ સામે આવ્યાં છે, જેમાં અમદાવાદમાં 13  લોકોને જુદી જુદી હોસ્પિટલોમાં સારવાર આપવામાં આવી રહી છે, શહેરની એસવીપી હોસ્પિટલમાં સારવાર લઇ રહેલી એક યુવતીએ પોતાની આપવીતી કહી છે, તેને સોશિયલ મીડિયા મારફતે કહ્યું છે કે મેં કોરોનાથી બચવા માસ્ક અને સેનેટાઇઝર વાપર્યા હતા, તેમ છંતા મને કોરોનાનો ચેપ લાગી ગયો છે.

યુવતી માર્ચ મહિનાની શરૂઆતમાં ફિનલેન્ડ ગઇ હતી અને પાછી અમદાવાદ આવ્યાં પછી તે કોરોનાનો ચેપ લઇને આવી છે, તેને કહ્યું કે મારી ફ્લાઇટમાં હું જ માત્ર એક એવી વ્યક્તિ હતી, જેને માસ્ક પહેર્યું હતુ, તે અમદાવાદ પરત આવી ત્યારે તે પોતાના પરિવારના સભ્યોથી દૂર રહી હતી, તેમને હાથ પણ મિલાવ્યો ન હતો, તેનો તમામ સામાન જુદી જ જગ્યાએ રાખવામાં આવ્યો હતો, તેને સતત સેનેટાઇઝરનો ઉપયોગ કર્યો હતો, પરંતુ તેને તાવ ઓછો ન થતા આખરે હોસ્પિટલમાં ભરતી થઇ અને ખબર પડી કે કોરોના વાઇરસનો ચેપ લાગ્યો છે. 16 માર્ચથી તે એસવીપી હોસ્પિટલમાં સારવાર લઇ રહી છે, તેને લોકોને પણ ભયાનક કોરોના સામે સાવધાની રાખવા અપીલ કરી છે. જો કે તેને નવાઇ એ વાતની લાગે છે કે સતત માસ્ક અને સેનેટાઇઝરનો ભરપુર ઉપયોગ કર્યો હોવા છંતા આ બિમારી તેના શરીરમાં પ્રવેશી ગઇ છે.

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch

-->