અમદાવાદઃ ચાર મિત્રોએ લાખો રૂપિયાના દાગીના ચોરીને વિદેશ ફરવા અને મોજમસ્તી કરવાનું કાવતરું ઘડ્યું હતું. તેમનો પ્લાન સફળ થાય તે પહેલાં જ પોલીસે કાર્યવાહી કરી અને બે આરોપીઓની ધરપકડ કરી હતી. તેમની પાસેથી આશરે 80 લાખ રૂપિયાના દાગીના જપ્ત કર્યા છે. આ કેસના બે મુખ્ય આરોપીઓ હજુ પણ ફરાર છે.
6 મેના રોજ શહેરના રતનપોળમાં આવેલી એક આંગડિયા પેઢીના કર્મચારી જીગરસિંહ વિહોલ લાખો રૂપિયાના દાગીના લઈને ફરાર થઈ ગયો હતો. ઘટના સામે આવ્યાં બાદ પેઢીએ પોલીસ ફરિયાદ નોંધાવી હતી. ફરિયાદને આધારે પોલીસે તપાસ શરૂ કરી હતી અને આરોપીઓની શોધ શરૂ કરી હતી.
તપાસ દરમિયાન પોલીસને માહિતી મળી હતી કે બે યુવાનો ચોરાયેલા કિંમતી દાગીના વેચવા માટે અમદાવાદ આવ્યાં છે. માહિતી મળતાં, ડીસીપી ઝોન 3 ની એક ટીમ ઘટના સ્થળે પહોંચી હતી અને કાર્યવાહી હાથ ધરી હતી, જેમાં બે આરોપીઓ અજય ઠાકોર અને દીપક રાવલની ધરપકડ કરી હતી. પોલીસે તેમની પાસેથી ચોરાયેલા તમામ દાગીના જપ્ત કર્યા હતા.
જીગર સિંહ ચોરાયેલી બધી વસ્તુઓ સુંવાલા ગામમાં દીપકના ઘરે લઈ ગયો હતો. અજય ઠાકોર, દીપક રાવલ અને વિપુલ ઠાકોર પહેલાથી જ ત્યાં હાજર હતા. ત્યારબાદ જીગર સિંહે ચોરાયેલા બધા દાગીના અજય અને દીપકને સોંપી દીધા અને ભાગી ગયો હતો.
અજય અને દીપકને ચોરાયેલા દાગીના વેચીને પૈસા એકઠા કરવાનું કામ સોંપવામાં આવ્યું હતું. આરોપીઓ એકબીજાને ઓળખતા હતા અને નજીકના ગામોમાં રહેતા હોવાથી સતત સંપર્કમાં રહેતા હતા. વિપુલ ઠાકોરે જ આંગડિયા પેઢીમાં જીગર સિંહની રોજગારીની વ્યવસ્થા કરી હતી.
વિપુલ ઠાકોર પોતે અગાઉ આંગડિયા કંપનીમાં કામ કરતો હતો. પ્રાથમિક તપાસ મુજબ, આરોપીઓને વિદેશ પ્રવાસ અને મનોરંજન માટે પૈસાની જરૂર હતી, જેના કારણે તેમણે આ ચોરીનું કાવતરું ઘડ્યું હતું. ધરપકડ કરાયેલા આરોપીઓ અગાઉ સિંગાપોર ગયા હતા.
હાલમાં પોલીસે ધરપકડ કરાયેલા બંને આરોપીઓની પૂછપરછ શરૂ કરી છે. કેસના મુખ્ય કાવતરાખોર જીગરસિંહ વિહોલ અને વિપુલ ઠાકોરની શોધખોળ હાથધરી છે.
અમદાવાદઃ વિમાનના ટોયલેટ સ્પીકરમાંથી રૂ. 4 કરોડોનું સોનું જપ્ત, બે પાઉચમાંથી 24 સોનાના બિસ્કિટ મળ્યાં | 2026-06-13 09:30:49
વિમાન દુર્ઘટનાનો ભોગ બનેલા લોકોના પરિવારોએ પ્રિયજનોને યાદ કર્યા, મૃતકો માટે સ્મારક બનાવવાની માંગ | 2026-06-13 09:09:38
ત્રણ ભારતીય ખલાસીઓના મોત પર જયશંકર ગુસ્સે ભરાયા, માર્કો રુબિયો સાથે ફોન પર નારાજગી વ્યક્ત કરી | 2026-06-13 08:45:56
ચોટીલાના PI- PSI સહિત 4 પોલીસકર્મીઓ સસ્પેન્ડ, સુરેન્દ્રનગર LCBમાં પણ મોટા પાયે બદલીઓ થઇ | 2026-06-12 18:19:56
પેરોલ પર છૂટેલા કુખ્યાત મોન્ટુ નામદારે પોલીસ સ્ટેશન બહાર જ પોલીસકર્મીને આપી જાનથી મારી નાખવાની ધમકી | 2026-06-12 18:09:58
બનાસકાંઠાઃ લાખણીના કૂવાણા ગામે જેતડા-દિયોદર હાઈવે પર ધોળા દિવસે સનસનાટીભરી હત્યા | 2026-06-12 18:03:39
અમદાવાદ વિમાન દુર્ઘટનાને એક વર્ષ પૂર્ણ, 260 લોકોનાં મોત અંગે AAIB ના અંતિમ રિપોર્ટની હજુ પણ રાહ જોવાઈ રહી છે | 2026-06-12 14:34:46
ગુજરાતના નવા DGP બન્યાં જી.એસ.મલિક, તેમના સ્થાને કોણ બનશે અમદાવાદના નવા CP ? | 2026-06-06 17:21:50
Copyright © 2026 Gujarat Post News.
Whatsapp
