Wed,10 August 2022,6:44 am
Print
header

જો રાહુલ ગાંધી ના પાડશે તો અશોક ગેહલોત બની શકે છે કોંગ્રેસ પાર્ટી અધ્યક્ષ- Gujarat Post

નવી દિલ્હીઃ કોંગ્રેસના સૂત્રોને ટાંકીને મોટા સમાચાર સામે આવી રહ્યાં છે. જો રાહુલ ગાંધી કોંગ્રેસ અધ્યક્ષ બનવાની ના પાડે છે તો પાર્ટી અશોક ગેહલોતને કોંગ્રેસ અધ્યક્ષ બનાવી શકે છે. પાર્ટી સૂત્રોનું કહેવું છે કે રાહુલ ગાંધી હજુ પણ કોંગ્રેસ અધ્યક્ષ પદ સંભાળવામાં ખચકાટ અનુભવી રહ્યાં છે. સંગઠનાત્મક ચૂંટણીઓની પ્રક્રિયા ચાલી રહી છે, સપ્ટેમ્બર- ઓક્ટોબરમાં નવા પ્રમુખની ચૂંટણી માટે અંતિમ તારીખ નક્કી કરવામાં આવી છે, જો કે રાહુલ ગાંધીએ અત્યાર સુધી કોઇ સ્પષ્ટ જવાબ આપ્યો નથી. કોંગ્રેસ વર્કિંગ કમિટીની બેઠકમાં અધીર રંજન ચૌધરીના સવાલ પર રાહુલ ગાંધીએ તેમને અધ્યક્ષ પદ સંભાળવાની સંભાવના પર વિચાર કરવા માટે કહ્યું હતું.

એટલા માટે પાર્ટી અશોક ગેહલોતના નામ પર વિચાર કરી રહી છે. છેલ્લા કેટલાક દિવસોથી દિલ્હીમાં પાર્ટીના મુદ્દાઓમાં તેમની સક્રિયતા વધી ગઇ છે. જો કે અશોક ગેહલોત રાજસ્થાનના સીએમ પદ છોડવા માંગતા નથી. પરંતુ પાર્ટીમાં મંથન ચાલુ છે અને રાહુલ ગાંધીને મનાવવાનો પ્રયાસ થશે. જો રાહુલ ગાંધી ના પાડે છે તો રાજસ્થાનના મુખ્યમંત્રી અશોક ગેહલોતને અધ્યક્ષ બનાવવામાં આવે તેવી શક્યતા છે.

નોંધનિય છે કે હાલમાં સોનિયા ગાંધી પાર્ટીના કાર્યકારી અધ્યક્ષા છે અને પાર્ટીમાં કાયમી અધ્યક્ષની માંગ ઉઠી છે. જ્યારે અશોક ગેહલોત ગાંધી પરિવારના વિશ્વાસુ અને વફાદાર પણ છે, જેથી તેમને આ મોટી જવાબદારી સોંપાઇ શકે છે.

https://www.gujaratpost.in પર સૌથી ઝડપી સમાચાર 

ગુજરાતના અન્ય લેટેસ્ટ સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch