Wed,10 August 2022,8:02 am
Print
header

ભાજપના દારૂડિયા નેતાજી આખરે ઘર ભેગા થઇ ગયા.. છોટાઉદેપુર જિલ્લા ભાજપ પ્રમુખ પદેથી રશ્મિકાંતનું રાજીનામું લઇ લેવાયું-Gujaratpost

છોટા ઉદેપુરઃ એક દિવસ પહેલા છોટાઉદેપુર જિલ્લા ભાજપ પ્રમુખ રશ્મિકાંત વસાવા દારુ પીધેલી હાલતમાં જાહેર કાર્યક્રમમાં પહોંચ્યાં હતા. અને તેમને મંત્રી નિમિષાબેન સુથાર સાથે અયોગ્ય વર્તન પણ કર્યું હતુ. હવે ભારતીય જનતા પાર્ટીએ તેમની હકાલપટ્ટી કરી નાખી છે. પ્રદેશ ભાજપ દ્વારા તેમનું રાજીનામું લઇ લેવાયું છે. 23 જુલાઈએ રશ્મિકાંત વસાવાનો દારૂ પીધેલી હાલતનો વીડિયો વાયરલ થયો હતો. આ વીડિયો વાયરલ થયા બાદ ગુજરાતમાં દારૂબંધી અંગે ફરીથી સવાલો ઉઠી રહ્યાં છે. વિપક્ષ પણ સતત સત્તાપક્ષને ટાર્ગેટ કરી રહ્યું છે. 

છોટાઉદેપુર જિલ્લાના ઝોઝ ગામમાં શનિવારે રાષ્ટ્રપતિનો અભિવાદન કાર્યક્રમ યોજવામાં આવ્યો હતો. જેમાં છોટાઉદેપુર જિલ્લા ભાજપ પ્રમુખ રશ્મિકાંત વસાવાએ દારૂના નશામાં આરોગ્ય રાજ્ય મંત્રી નિમિષાબેન સુથાર હાજર હોવા છતાં અશોભનિય વર્તન કર્યું હતું. એટલું જ નહીં, જાહેરમાં લથડિયા ખાતા જોવા મળ્યાં હતા.

હાલ તો છોટાઉદેપુર ભાજપ પ્રમુખનુ રાજીનામું લેવામાં આવ્યું છે. પરંતુ સવાલ એ છે કે શું ગુજરાત પોલીસ તેમના પર દારુબંધી અંતર્ગત કોઈ કાર્યવાહી કરશે કે કેમ ? રાજ્યમાં દારુબંધીના કડક કાયદા છે ત્યારે સત્તાપક્ષ ભાજપના નેતા ખુલ્લેઆમ ટલ્લી થઈને મંત્રી સાથે સ્ટેજ શેર કરતા જોવા મળી રહ્યાં છે.

https://www.gujaratpost.in પર સૌથી ઝડપી સમાચાર 

ગુજરાતના અન્ય લેટેસ્ટ સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch