Fri,30 September 2022,3:53 pm
Print
header

આ શું ધંધા થઇ રહ્યાં છે ? ભારત જોડો યાત્રા માટે વધારે ફંડ ન આપનારા દુકાનદાર સાથે કોંગ્રેસીઓએ કરી ગેરવર્તણૂંક, શાકભાજી ફેંકી દીધા- Gujarat Post

વેપારીએ કહ્યું તેણે 500 રૂપિયા આપ્યાં હતા પરંતુ 2000 રૂપિયાની કરાઇ માંગ 

કેરળઃ કોંગ્રેસની 'ભારત જોડો યાત્રા' માટે ફંડ ન આપવા બદલ દુકાનદારને કથિત રીતે ધમકી આપવાનો મામલો સામે આવ્યો છે. એક ન્યૂઝ એજન્સી અનુસાર, કેરળના કોલ્લમમાં યાત્રામાં માટે 2000 રૂપિયા ન આપવા પર કોંગ્રેસના કાર્યકરોએ શાકભાજીના દુકાનદાર સાથે ગેરવર્તણૂક કરી. શાકભાજીની દુકાન ચલાવતા એસ ફવાઝે કહ્યું કે કોંગ્રેસના કાર્યકરોની એક ટીમ તેમની દુકાને પહોંચી હતી. તેમની પાસે 'યાત્રા' માટે ફંડ માંગ્યું. કહ્યું કે તેણે 500 રૂપિયા આપ્યા પરંતુ આ લોકોએ 2000 રૂપિયાની માંગણી કરી હતી. જે પછી તેમના શાકભાજી ફેંકી દીધા. કાર્યકરોએ દુકાનને નુકસાન પહોંચાડ્યું હતુ

આ મામલે ત્રણ સસ્પેન્ડ

જો ફંડ આપવામાં ન આવે તો દુકાનદારને કથિત રીતે ધમકી આપવાનો મામલો સામે આવ્યાં બાદ કોંગ્રેસ પક્ષ એક્શનમાં આવી ગયો છે. આ મામલે કોંગ્રેસના ત્રણ કાર્યકર્તાઓને સસ્પેન્ડ કરી દેવાયા છે.

કોલ્લમથી અલપ્પુઝા પ્રવાસ

11 સપ્ટેમ્બરે ભારત જોડો યાત્રા કેરળમાં પ્રવેશી છે. કેરળમાં પ્રવેશ્યા બાદ રાહુલ ગાંધી 19 દિવસના સમયગાળામાં 450 કિલોમીટરની મુસાફરી કરીને મલપ્પુરમના નિલામ્બુર જશે.આ યાત્રા 14 સપ્ટેમ્બરે કોલ્લમ જિલ્લામાં પહોંચી હતી.ત્યાર બાદ તે 17 સપ્ટેમ્બરે અલપ્પુઝા પહોંચશે અને 21-22 સપ્ટેમ્બરે એર્નાકુલમ જિલ્લામાં થઈને 23 સપ્ટેમ્બરે થ્રિસુર પહોંચશે. આ પછી યાત્રાના અન્ય તબક્કા હશે.

https://www.gujaratpost.in પર સૌથી ઝડપી સમાચાર 

ગુજરાતના અન્ય લેટેસ્ટ સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch