મોદીને બદનામ કરનારી BBC ની ડોક્યુમેન્ટ્રી પર ભારતમાં પ્રતિબંધ, ગોધરાકાંડને લઇને બની છે ફિલ્મ

Published By
gujaratpost.in
2023-01-21 20:42:18

નવી દિલ્હીઃ 2002 ગોધરાકાંડ પછીના ગુજરાત રમખાણો મામલે સુપ્રીમ કોર્ટમાંથી પણ પીએમ નરેન્દ્ર મોદીને ક્લીનચી મળી ગઇ છે, તેમ છંતા ગોધરાકાંડના આ તોફાનો તેમનો પીછો છોડતો નથી. બીબીસીએ હવે નવી એક ડોક્યુમેન્ટ્રી બનાવી છે, જેમાં મોદીને બદનામ કરવાનો પ્રયાસ કરાયો છે. ભારતમાં હવે આ ડોક્યુમેન્ટ્રી પર પ્રતિબંધ લગાવી દેવાયો છે, ટ્વીટર અને યુટ્યૂબ પર કોઇ વીડિયો પ્રસારિત કરાશે નહીં.

આ ડોક્યુમેન્ટ્રીના બે ભાગ છે, જેમાં ગોધરાકાંડ પછીના ગુજરાત રમખાણો મામલે મોદીને જવાબદાર ગણાવ્યાં છે. જેમાં 1 હજારથી વધુ લોકોની હત્યાનો દાવો કરાયો છે. આ મામલે બ્રિટનમાં પણ મોદીનો બચાવ થઇ રહ્યો છે. જ્યારે કેટલાક બ્રિટિશ સાંસદો મોદીને જવાબદાર ગણાવે છે.

બીબીસીએ India: "The Modi Question" નામની બનાવી છે ડોક્યુમેન્ટ્રી

માહિતી અને પ્રસારણ મંત્રાલય દ્વારા આ ડોક્યુમેન્ટરીના એપિસોડને શેર કરતા યુટ્યૂબ વીડિયોને બ્લોક કરી દેવા આદેશ અપાયો છે. ટ્વિટર સંબંધિત યૂટ્યુબ વીડિયોની લિંક ધરાવતી 50 થી વધુ ટ્વીટ્સને બ્લોક કરવાનો આદેશ અપાયો છે. ભારત સરકારે બચાવ કરતા કહ્યું છે કે આ ડોક્યુમેન્ટ્રી ગુજરાતના તત્કાલિન મુખ્યમંત્રી નરેન્દ્ર મોદીનો ખોટો દુષ્પ્રચાર કરવા બનાવાઇ છે.