Thu,20 January 2022,4:37 pm
Print
header

વડોદરા શહેરમાં રખડતા ઢોરનો આતંક, ગાયની અડફેટે આવતા ભાજપના મહિલા નેતાને માથામાં પહોંચી ઈજા

વડોદરાઃ શહેરમાં રખડતા ઢોરનો આતંક યથાવત છે. શહેરમાંથી રખડતા ઢોરને દૂર કરવા હાથ ધરેલી ઝુંબેશ માત્ર કાગળ પર અને પોકળ સાબિત થઈ છે. આ વખતે ખુદ ભાજપના ઉપપ્રમુખને જ ગાયે શિંગડુ મારતાં ઈજાઓ પહોંચી છે. ભાજપ નેતાને માથામાં 4 ટાંકા આવ્યા છે.શહેરમાં રખડતાં પશુઓના ત્રાસને 15 દિવસમાં જ દૂર કરવાની જાહેરાત પોકળ સાબિત થઈ છે. છેલ્લા 12 દિવસમાં ગાયો દ્વારા ઈજા પહોંચાડવાની પાંચથી વધુ ઘટનાઓ સામે આવી છે.

હરિનગર વિનાયક સોસાયટીમાં રહેતાં જાગૃતિ પાઠક વોર્ડ નંબર- 11 માં ભાજપનાં ઉપપ્રમુખ છે. તેઓ ગત શુક્રવારે સાંજે વોર્ડ નંબર 11 ની કચેરીથી પરત ઘરે જઈ રહ્યાં હતા તે દરમિયાન ગાયોનાં ઝૂંડે તેઓને ફંગોળતાં રસ્તા પર પટકાયા હતા.જેને પગલે તેમને માથામાં ઈજા થતાં બેભાન થઈ ગયા હતા. તેમને તાત્કાલિક હોસ્પિટલમાં લઈ જવાયા હતા.

રખડતા ઢોરનો આતંક છેલ્લા કેટલાક દિવસોથી વધી ગયો છે. આ પહેલા 23 નવેમ્બરે બાજવા ફર્ટિલાઇઝર માર્કેટના ગેટની સામે એક વ્યક્તિ ઈજાગ્રસ્ત થઈ હતી 23 અને 26 નવેમ્બરે રાજીવનગરમાં 2 વર્ષના બાળક પર ગાયે બે વખત હુમલો કર્યો હતો. 24 નવેમ્બરે સમા વિસ્તારમાં સફાઇ સેવક કુણાલ સોલંકીને ગાયે ઈજા પહોંચાડી હતી. 27 નવેમ્બરે ગોરવામાં 50 વર્ષની વ્યક્તિને ગાયે શીંગડે ભરાવતાં ઈજા પહોંચી હતી.

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પરો

https://www.gujaratpost.in/news/listing/Gu

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch