Wed,10 August 2022,8:32 am
Print
header

ફરીથી 29 કરોડ રૂપિયા રોકડા, 5 કિલો સોનું જપ્ત, અર્પિતા મુખર્જીના અન્ય ઘરના ટોઇલેટમાંથી મળ્યો આ ખજાનો - Gujarat Post

કોલકત્તાઃ પશ્ચિમ બંગાળ શિક્ષણ કૌભાંડમાં અર્પિતા મુખર્જીની મુશ્કેલી વધી રહી છે. બુધવારે બપોરથી EDની ટીમ અર્પિતાના બીજા ઘરે તપાસ કરી રહી છે. તેના ઘરે ફરી એકવાર મોટી રકમ મળી આવી છે. આ રકમ એટલી વધારે છે કે EDએ ચલણી નોટ ગણવાના મશીનો મંગાવી દીધા છે. અહીંથી 29 કરોડ રૂપિયા રોકડા અને 5 કિલો સોનું ઝડપાયુંં છે. તેના ઘરના ટોઇલેટમાં આ બધુ છુપાવીને રાખ્યું હતુ.

ઇડીએ ક્લબ ટાઉનમાં અર્પિતાના એપાર્ટમેન્ટમાં દરોડા પાડ્યા હતા. હવે EDની તપાસમાં ફરીથી ત્યાંથી નોટોનો ઢગલો મળી આવ્યો છે. EDએ નોટ ગણવાના મશીનો મંગાવ્યાં છે. અહીંથી વિદેશી ચલણ પણ જપ્ત કરવામાં આવ્યું છે.અગાઉના દરોડામાં અર્પિતાના ઘરેથી 20થી વધુ ફોન અને ઘણી કંપનીઓના દસ્તાવેજો મળી આવ્યાં હતા. 

EDએ આ જ શિક્ષણ કૌભાંડ કેસમાં પશ્ચિમ બંગાળ સરકારના મંત્રી પાર્થ ચેટર્જીની ધરપકડ કરી છે. આ કૌભાંડમાં તેમની કલાકો સુધી પૂછપરછ પણ કરવામાં આવી હતી. બ્લેક ડાયરીને લઈને પણ અનેક સવાલો ઉભા થયા છે.આ એ જ ડાયરી છે જે EDને અર્પિતાના ઘરેથી મળી હતી. આ ડાયરીમાં 40 પેજ છે, જેમાં ઘણું બધું લખ્યું છે. આ ડાયરી SSC કૌભાંડના અનેક ગોટાળા ખોલી શકે છે.અર્પિતા મંત્રીની નજીકની મિત્ર છે અને મંત્રીજી તેના ઠેકાણાંઓ પર રૂપિયા અને સોનું છુપાવતા હતા.

https://www.gujaratpost.in પર સૌથી ઝડપી સમાચાર 

ગુજરાતના અન્ય લેટેસ્ટ સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch