Sat,13 June 2026,3:17 pm
Print
header

અંબાલાલ પટેલની આગાહી, ગુજરાતમાં ગરમીનો પારો રેકોર્ડ તોડશે

  • Published By Panna Patel
  • 2026-05-10 08:46:01
  • /

અમદાવાદ, ગાંધીનગરમાં ગરમી ભુક્કા કાઢશે

45 ડિગ્રી પારો પહોંચવાની અંબાલાલ પટેલની આગાહી

અમદાવાદ: ગુજરાતમાં ઉનાળો હવે આકરા મિજાજમાં જોવા મળી રહ્યો છે. હવામાન નિષ્ણાંત અંબાલાલ પટેલે રાજ્યમાં ગરમીને લઈને ચિંતાજનક આગાહી કરી છે. તેમના જણાવ્યાં અનુસાર, આગામી દિવસોમાં સૂર્યદેવ આકરા પાણીએ થશે અને રાજ્યમાં ગરમીના જૂના તમામ રેકોર્ડ તૂટી શકે છે.

અંબાલાલ પટેલની આગાહી મુજબ, 10 મે થી ગરમીમાં તોતિંગ વધારો થશે. ખાસ કરીને મધ્ય અને ઉત્તર ગુજરાતના ભાગોમાં ગરમીનો પારો 44 થી 45 ડિગ્રી સુધી પહોંચવાની શક્યતા છે. અમદાવાદ, ગાંધીનગર, બનાસકાંઠા અને સાબરકાંઠા ગરમીનો સૌથી વધુ પ્રકોપ જોવા મળશે.  આ વિસ્તારોમાં અંગ દઝાડતી ગરમી સાથે હીટવેવનો પ્રકોપ જોવા મળશે, જેના કારણે બપોરે ઘરની બહાર નીકળવું મુશ્કેલ બનશે.

ગરમીના કહેર વચ્ચે રાહતના સમાચાર એ છે કે, 15 મે બાદ રાજ્યમાં પ્રી-મોન્સૂન એક્ટિવિટી સક્રિય થઈ શકે છે. પવનની દિશા બદલાતા વાદળછાયું વાતાવરણ અને ધૂળની ડમરીઓ ઉડવાની શક્યતા છે. આ ચોમાસા પૂર્વેના સંકેતો માનવામાં આવે છે.

અંબાલાલ પટેલે વધુમાં જણાવ્યું છે કે, બંગાળની ખાડી અને અરબ સાગરમાં દરિયાઈ હલચલ વધવાને કારણે મે મહિનાના અંતમાં અથવા જૂનની શરૂઆતમાં વાવાઝોડાની સ્થિતિ સર્જાઈ શકે છે. આ હલચલને કારણે ગુજરાતના દરિયાકાંઠાના વિસ્તારોમાં પવનની ગતિમાં વધારો જોવા મળશે.

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch