Fri,03 February 2023,4:01 pm
Print
header

મહિલા પર પેશાબ કરવાના કેસમાં DGCAની મોટી કાર્યવાહી, એર ઈન્ડિયાને 30 લાખ રૂપિયાનો દંડ, પાયલટનું લાયસન્સ 3 મહિના માટે સસ્પેન્ડ

નવી દિલ્હીઃ ડાયરેક્ટોરેટ જનરલ ઓફ સિવિલ એવિએશન (DGCA)એ મહિલા પર પેશાબ કરવાના કેસમાં મોટી કાર્યવાહી કરી છે. DGCA એ એર ઇન્ડિયાને 30 લાખ રૂપિયાનો દંડ ફટકાર્યો છે. વિમાન ઉડાવનાર પાયલટનું લાયસન્સ 3 મહિના માટે સ્થગિત કરી દેવામાં આવ્યુ છે. એર ઇન્ડિયાની ડિરેક્ટર-ઇન-ફ્લાઇટ સેવાઓને તેની ફરજો નિભાવવામાં નિષ્ફળ રહેવા બદલ દંડ ફટકારવામાં આવ્યો છે.

વિવિધ ધારા-ધોરણોના ભંગ બદલ કાર્યવાહી

એર ઇન્ડિયાએ 26 નવેમ્બરે આરોપી શંકર મિશ્રા પર 4 મહિનાનો પ્રતિબંધ મૂક્યો હતો. શંકરે ન્યૂયોર્કથી દિલ્હીની ફ્લાિઇટમાં એક મહિલા પર પેશાબ કર્યો હતો.આ ઘટના 4 જાન્યુઆરીએ ડિરેક્ટોરેટ જનરલ ઓફ સિવિલ એવિએશનના ધ્યાનમાં આવી હતી.

એર ઇન્ડિયાના સીઇઓએ માંગી માફી

એર ઇન્ડિયાના સીઇઓએ આ ઘટના બદલ માફી માંગી હતી. સીઈઓએ કહ્યું કે ચાર ક્રૂ મેમ્બર્સ અને એક પાયલટને તપાસ સુધી ફરજ પરથી દૂર કરવામાં આવ્યાં છે અને એરલાઇન વિમાનમાં દારૂ આપવાની નીતિની સમીક્ષા કરી રહી છે.

વ્યક્તિગત પીડાનો વિષય: ટાટા સન્સના ચેરમેન 

ટાટા સન્સના ચેરમેન એન.ચંદ્રશેખરને કહ્યું કે એર ઇન્ડિયાની ફ્લાઇટમાં દારૂના નશામાં મહિલા મુસાફર પર એક વ્યક્તિએ પેશાબ કર્યો હોવાની ઘટના તેમના માટે દુ:ખની વાત છે. એર ઇન્ડિયાની પ્રતિક્રિયા ઘણી ઝડપી હોવી જોઈતી હતી. અમે પરિસ્થિતિને જે રીતે નિયંત્રિત કરવી જોઈતી હતી તે રીતે સંભાળવામાં નિષ્ફળ ગયા.

જાણો શું હતો આખો મામલો ?

નવેમ્બરના અંતમાં બનેલી આ ઘટનાના એક મહિનાથી વધુ સમય પછી આક્ષેપો સામે આવ્યાં બાદ મિશ્રાની ધરપકડ કરવામાં આવી હતી. તે ઘણા દિવસોથી પોલીસથી ભાગી રહ્યો હતો. અમેરિકન બેન્કિંગ જાયન્ટ વેલ્સ ફાર્ગોએ તેને નોકરીમાંથી બરતરફ કર્યો હતો.આરોપી શંકર મિશ્રા 26 નવેમ્બર, 2022 ના રોજ એર ઇન્ડિયાની ફ્લાઇટમાં ન્યૂયોર્કથી નવી દિલ્હી જઇ રહ્યો હતો ત્યારે તે નશામાં હતો, તેને બિઝનેસ ક્લાસમાં બેઠેલી 72 વર્ષીય મહિલા પર પેશાબ કર્યો હતો.

રાજનીતિના સમાચારો માટે આ લિંક પર ક્લિક કરો 

Politics | Gujarat Post

ગુજરાતના અન્ય લેટેસ્ટ સમાચારો માટે આ લિંક પર ક્લિક કરો

Gujarat | Gujarat Post

સૌથી ઝડપી સમાચારો માટે આ લિંક પર ક્લિક કરો 

Gujarat Post News | Gujaratpost | Gujaratpostnews | Gujarati news webportel| Gujarati news website

પોપ્યુલર સ્ટોરી માટે આ લિંક પર ક્લિક કરો 

Popular stories | Gujarat Post

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch