Sat,25 June 2022,10:38 pm
Print
header

હિંમતનગર, અમદાવાદ સહિત 40 જગ્યાઓએ IT ના દરોડા, AGL સહિતની કંપનીઓ પર સકંજો- Gujarat Post

(પ્રતિકાત્મક ફોટો)

AGL Tiles એશિયન ગ્રેનિટો ઇન્ડિયા લિ. પર દરોડા

કરોડો રૂપિયાની ટેક્સ ચોરીની શક્યતા

મોરબી, હિંમતનગર, અમદાવાદમાં દરોડા

અમદાવાદઃ ફરી એક વખત ઇન્કમટેક્સ વિભાગે ટેક્સ ચોરો પર તવાઇ બોલાવી છે, આજે એક સાથે 40 સ્થળોએ આઇટી વિભાગની જુદી જુદી ટીમો ત્રાટકી છે. AGL Tiles (એશિયન ગ્રેનિટો ઇન્ડિયા લિ.) ગ્રુપ, ખાનગી ફાઇનાન્સ પેઢીમાં દરોડા કરાયા છે. શહેરના ઈસ્કોન ચાર રસ્તા પાસે આવેલી ઓફિસમાં તપાસ ચાલી રહી છે. અમદાવાદ, હિંમતનગર, મોરબીમાં કંપનીઓના ડિરેક્ટરોના નિવાસસ્થાને અને હિંમતનગરની ટાઇલ્સ ફેક્ટરીમાં તપાસ ચાલી રહી છે. અમદાવાદની સિમંધર ફાઈનાન્સ નામની પેઢીમાંથી કરોડો રૂપિયાના ગોટાળા સામે આવે તેવી શક્યતા છે.

સુરેશ પટેલ, કમલેશ પટેલ, કાળીદાસ પટેલ અને મુકેશ પટેલના નિવાસસ્થાને આ તપાસ થઇ રહી છે. મોરબીમાં તેમની સાથે બિઝનેસ કરી રહેલા એકમો પર પણ દરોડા પાડવામાં આવ્યાં છે. આઈટી વિભાગ પાસે માહિતી હતી કે આ કંપનીઓ કરોડો રૂપિયાની હેરાફેરી કરે છે અને ટેક્સ ચોરી કરે છે, ત્યારે બાદ 200 જેટલા અધિકારીઓની જુદી જુદી ટીમો કંપની, તેના ડિરેક્ટરોના નિવાસસ્થાનો અને એકમો પર દરોડા કરવામાં આવ્યાં છે.

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch