ACB ટ્રેપઃ વસોની પલાણા ગ્રામ પંચાયતના તલાટી કમ મંત્રી આટલા રૂપિયાની લાંચ લેતા ઝડપાયા

Published By
gujaratpost.in
2025-02-17 21:25:46

ખેડાઃ એસીબીએ ખેડા જિલ્લામાં આવેલી પલાણા ગ્રામ પંચાયતના કર્મચારીને ઝપેટમાં લીધા છે.નરેન્દ્રસિંહ ઘનશ્યામસિંહ વાઘેલા, તલાટી કમ મંત્રી, વર્ગ-3, પલાણા ગ્રામ પંચાયતને રૂપિયા 5 હજારની લાંચ લેતા ઝડપી પાડ્યાં છે. આરોપીએ તુલસી ફૂડ કોર્ટ, ડભાણ ચોકડી, નડિયાદમાં લાંચ લીધી હતી.

ફરિયાદીએ તેમના કૌટુંબિક ભાઈઓનાં નામની જમીનની વારસાઈ કરાવવા અને આ જમીન પર થયેલું ઘરોનું ગેરકાયદેસર બાંધકામ હટાવવા અરજી આપી હતી. જેમાં જરૂરી કાગળો આપવા માટે 10 હજાર રૂપિયાની લાંચ માંગી હતી, અગાઉ 5 હજાર રૂપિયાની લાંચ ઓનલાઇન બેંક ખાતામાં લેવામાં આવી હતી અને બાકીના 5 હજાર રૂપિયા માટે માંગણી થઇ રહી હતી.

ફરિયાદી બીજા લાંચના નાંણા આપવા માંગતા ન હોવાથી તેમને એસીબીનો સંપર્ક કર્યો હતો. જેમાં એસીબીએ લાંચનું છટકું ગોઠવીને 5 હજાર રૂપિયા રોકડા લેનારા આ સરકારી બાબુને ઝડપી લીધો હતો. જો તમારી પાસે પણ કોઇ સરકારી બાબુ લાંચની માંગણી કરી છે તો તમે પણ એસીબીનો સંપર્ક કરી શકો છો.