ACB ટ્રેપઃ દાહોદમાં પોલીસ કોન્સ્ટેબલ રૂપિયા 3 હજારની લાંચ લેતા ઝડપાયો

Published By
gujaratpost.in
2025-03-09 19:05:58

દાહોદઃ એસીબીએ પોલીસકર્મીને લાંચ લેતા ઝડપી લીધો છે, દાહોદમાં એ ડિવિઝન પોલીસ મથકમાં ફરજ બજાવતા કોન્સ્ટેબલ રમેશ વાઘમસી ત્રણ હજાર રૂપિયાની લાંચ લેતા એસીબીની ઝપેટમાં આવી ગયા છે.

પોલીસમાં થયેલી અરજીનો નિકાલ કરવા માટે કોન્સ્ટેબલે ફરિયાદી પાસે 5 હજાર રૂપિયાની લાંચની માંગણી કરી હતી, અંતે 3 હજાર રૂપિયા આપવાનું નક્કિ કરાયું હતુ.

ફરિયાદી લાંચ આપવા માંગતા ન હોવાથી તેમને એસીબીનો સંપર્ક કર્યો હતો અને એસીબીએ પોલીસ કોન્સ્ટેબલને 3 હજાર રૂપિયાની લાંચ લેતા ઝડપી લીધા હતા. તમારી પાસે પણ કોઇ સરકારી કર્મચારી લાંચની માંગણી કરે છે તો તમે પણ એસીબીમાં ફરિયાદ કરી શકો છો.