એસ.એન.દેસાઇ, પીઆઇ, સુરત શહેર એસીબી, શ્રીમતી એ.કે.ચૌહાણ, પીઆઇ, એસીબી સુરત અને એન.પી.ગોહિલ, મદદનીશ નિયામક, એસીબીની ટીમે સપાટો બોલાવી દીધો
સુરતઃ ભાજપ સરકારના રાજમાં સૌથી ભ્રષ્ટ બની ગયેલા જીએસટી વિભાગના અધિકારીઓ બેફામ બન્યાં છે બે દિવસ પહેલા અમદાવાદના ચાંદખેડામાં એક જીએસટી અધિકારીએ રૂપિયા 3 હજારની લાંચ લઇને ફરિયાદીને કારમાંથી નીચે ફેંકીને તેની હત્યા કરવાનો પ્રયાસ કર્યો હતો, હવે સુરતમાં જીએસટી વિભાગના ડીસી લેવલના અધિકારી નરસિંહ સરદારભાઇ પાંડોર 1 લાખ રૂપિયાની લાંચમાં ઝડપાઇ ગયા છે. તેઓ નાનપુરામાં આવેલી રાજ્યવેરા કમિશનરની કચેરીમાં ક્લાસ વન અધિકારી તરીકે ફરજ પર હતા.
આ ભ્રષ્ટ અધિકારીની સાથે કિશોરચંદ્ર કાંતીલાલ પટેલ, વકીલ અને ટેક્ષ કન્સલટન્ટ, ખાનગી વ્યક્તિ ધર્મેશ મનહરગીરી ગોસ્વામી અને ખાનગી વ્યક્તિ વિનય હરીશ પટેલ પણ એસીબીની ઝપેટમાં આવી ગયા છે. આરોપીઓએ વુડ સ્ક્વેર, ટીજીબી હોટલની સામે, એલ.પી.સવાણી રોડ, અડાજણમાં લાંચ લીધી હતી. અધિકારી, વકીલ અને બંને ખાનગી વ્યક્તિઓએ ભેગા મળીને વેપારી પાસે લાંચ લીધી હતી.
આ કામના ફરીયાદી ભાગીદારી પેઢી ધરાવે છે, તેમની પેઢીએ વર્ષ 2015-16 ના જીએસટી રીટર્ન ભરેલા ન હોવાથી જીએસટી વિભાગ દ્વારા જીએસટી નંબર બંધ કરી દેવામાં આવ્યો હતો, ફરીયાદીએ તેઓની પેઢીનો જીએસટી નંબર ચાલુ કરાવવા પાંડોરનો સંપર્ક કરતા પાંડોરે તેમના મરતિયા વકીલ પાસે મોકલીને લાંચની માંગ કરી હતી. આ ગેંગે વેપારી પાસે બે લાખ રૂપિયાની લાંચ માંગી હતી અંતે એક લાખ રૂપિયામાં બધુ નક્કિ કરાયું હતુ. 50 હજાર રૂપિયા પહેલા પડાવી લેવાયા હતા, બાકીના રૂપિયા માટે માંગ થઇ રહી હતી, ફરિયાદી લાંચ આપવા માંગતા ન હોવાથી તેમને એસીબીનો સંપર્ક કર્યો હતો.
એસ.એન.દેસાઇ, પીઆઇ, સુરત શહેર એસીબી, શ્રીમતી એ.કે.ચૌહાણ, પીઆઇ, એસીબી સુરત અને એન.પી.ગોહિલ, મદદનીશ નિયામક, એસીબીની ટીમે છટકું ગોઠવીને આરોપીઓને ઝડપી લીધા છે અને લાંચની રકમ રિકવર કરી છે. અમે તમને જણાવી દઇએ કે છેલ્લા કેટલાક સમયથી જીએસટીના અધિકારીઓ લાખો રૂપિયાની લાંચ લઇને વેપારીઓની હેરાનગતિ કરી રહ્યાં છે.
https://www.facebook.com/gujaratpostin
https://www.gujaratpost.in પર સૌથી ઝડપી સમાચાર
ગુજરાતના અન્ય તાજા સમાચારો માટે નીચેની લિંક પર
ચૂંટણીના માહોલ વચ્ચે રાજ્યમાં IPS અધિકારીઓને મળી નવી જવાબદારી, આ રહ્યું આખું લિસ્ટ | 2024-04-25 19:41:51
પાકિસ્તાનની આર્થિક સ્થિતી ભયંકર રીતે બગડી...વેપારી સંગઠનોએ કહ્યું ભારત સાથે સંબંધો સુધારવા જરૂરી | 2024-04-25 17:14:32
સપાના રાષ્ટ્રીય અધ્યક્ષ અખિલેશ યાદવે કન્નૌજથી નોંધાવી ઉમેદવારી- Gujarat Post | 2024-04-25 09:56:21
હવે ગૃહમંત્રાલયનો નકલી અધિકારી ઝડપાયો, પોલીસે એન્જિનિયરની કરી ધરપકડ | 2024-04-25 09:27:03
રાંચીમાં બર્ડ ફ્લૂનો કહેર, તપાસમાં પુષ્ટિ થયા બાદ 2196 પક્ષીઓનાં મોત | 2024-04-25 09:05:28
નિલેશ કુંભાણી આખરે પરિવાર સાથે ક્યાં છુપાયા છે ? જાણો સૌથી મોટા સમાચાર- Gujarat Post | 2024-04-24 21:56:55
ગુજરાતની આ લોકસભા બેઠક પરના કોંગ્રેસના ડમી ઉમેદવારે પાર્ટી છોડી દીધી, તેમના પત્નીનું પણ રાજીનામું- Gujarat Post | 2024-04-24 21:51:35
ACB ટ્રેપ- ક્લાસ-2 ડ્રગ્સ ઇન્સ્પેક્ટર આટલા રૂપિયાની લાંચ લેતા ઝડપાઇ ગયા, અમદાવાદનો બનાવ | 2024-04-24 21:42:11
કારમાંથી મળ્યાં નોટોના બંડલ, 1.3 કરોડ રોકડા, 4 કિલો ચાંદી સાથે દંપત્તિ ઝડપાયું- Gujarat Post | 2024-04-24 16:42:34