Fri,30 September 2022,2:37 pm
Print
header

ACB ના દરોડા, આપના ધારાસભ્ય અમાનતુલ્લાહ ખાનના સ્થળો પરથી મળ્યાં હથિયાર- Gujarat Post

નવી દિલ્હીઃ ગુજરાત વિધાનસભા ચૂંટણી પહેલા આમ આદમી પાર્ટીના નેતાઓની મુશ્કેલીઓ વધી રહી છે, એક બાજુ અરવિંદ કેજરીવાલ ગુજરાતમાં જોરશોરથી ચૂંટણી પ્રચાર કરી રહ્યાં છે, બીજી બાજુ દિલ્હીમાં આપના નેતાઓને ત્યાં દરોડા થઇ રહ્યાં છે, પહેલા મનિષ સિસોદીયાને ત્યાં સીબીઆઇ રેડ થઇ, હવે આમ આદમી પાર્ટીના ધારાસભ્ય અમાનતુલ્લાહ ખાનની મુશ્કેલીઓ વધી છે. વકફ બોર્ડના એક કેસમાં એન્ટી કરપ્શન બ્યુરોએ તેમના અનેક સ્થળોએ દરોડા કર્યાં છે.

અમાનતુલ્લાહના બિઝનેસ પાર્ટનર હામિદ અલીના ઘરેથી લાયસન્સ વગરના હથિયારો મળી આવ્યાં છે. સાથે જ 12 લાખ રૂપિયાની રોકડ મળી આવી છે. હાલમાં જામિયા, ઓખલા, ગફૂરનગરમાં દરોડાની કામગીરી ચાલી રહી છે.

શું છે આ કેસ ? 

દિલ્હી વકફ બોર્ડના અધ્યક્ષ પદે રહેલા અમાનતુલ્લા પર અનેક આરોપ છે, વકફ બોર્ડના બેંક ખાતામાં નાણાકીય ગોટાળા, વકફ બોર્ડની મિલકતોમાં ભાડુઆતોની ઘૂસણખોરી, વાહનોની ખરીદીમાં ભ્રષ્ટાચાર, બોર્ડના સેવા નિયમોમાં ઉલ્લંઘન જેવી 33 ફરિયાદો છે. એસીબીએ જાન્યુઆરી 2020માં ભ્રષ્ટાચાર નિવારણ અધિનિયમ હેઠળ ગુનો દાખલ કર્યો હતો અને હવે તેમાં વધુ કાર્યવાહી થઇ છે.

https://www.gujaratpost.in પર સૌથી ઝડપી સમાચાર 

ગુજરાતના અન્ય લેટેસ્ટ સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch