Wed,20 January 2021,6:33 pm
Print
header

માતા-પિતા સાવધાન... ઉત્તરાયણનો તહેવાર બન્યો માતમનો તહેવાર, પતંગ લૂંટવા જતા બે ભાઇઓને કરંટ લાગતા મોત

અમદાવાદઃ ઉત્તરાયણનો આ વખતનો તહેવાર એક પરિવાર માટે માતમનો તહેવાર બની ગયો છે, વિરમગામમાં બે સગા ભાઇઓના મોત થઇ ગયા છે, પતંગ લૂંટવા જતી વખતે આ દુર્ઘટના બની છે. વિરમગામની નૂરી સોસાયટીમાં બીજા માળના ધાબા પર પતંગ લૂંટવા જતા બંને ભાઇઓ વીજ વાયરની ઝપેટમાં આવી ગયા હતા અને કરંટ લાગતા તેમના મોત થઇ ગયા છે.

જાવિદ મીરઝાના બે પુત્રો મોહમ્મદ તુફેલ (17 વર્ષ) અને મુંઝમીર તુફેલ (18 વર્ષ) ધાબા પર હતા તે દરમિયાન આ દુર્ઘટના બની છે તેઓ પતંગ લૂંટવા જતા તેમનો હાથ નજીકથી પસાર થઇ રહેલા વીજ વાયરને અડી ગયો હતો અને તેમને કરંટ લાગ્યો હતો તેમના મોત થઇ ગયા છે તેમના પરિવાર પર આભ તૂટી પડ્યું છે, પોલીસે બંને માસૂમોના મૃતદેહને પોસ્ટમોર્ટમ માટે મોકલીને કેસની વધુ તપાસ હાથ ધરી છે.

અમારી દરેક માતાપિતાને અપીલ છે કે પોતાના બાળકોને આવી રીતે એકલા ધાબા પર ન જવા દે અને ખાસ કરીને વીજ વાયરોથી દૂર રહો, આજે વિરમગામનો આ પરિવાર રડી રહ્યો છે. આવી બીજો કોઇ દુર્ઘટના ન બને તેનું ખાસ ધ્યાન રાખજો.

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર

https://www.gujaratpost.in/news/listing/Gu

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

-->