Sun,27 November 2022,3:32 am
Print
header

ACB ને મળ્યાં વિપુલ ચૌધરીના 66 બેંક એકાઉન્ટ, ટેક્સાસમાં 9 કરોડ રૂપિયાનો બંગલો- Gujarat Post

વિપુલ ચૌધરીએ અમેરિકાના ટેક્સાસમાં રૂ. 9 કરોડનો બંગલો ખરીદ્યો

પત્ની અને પુત્ર ફરાર હોવાથી લુક આઉટ નોટિસ જાહેર કરાશે

ચૌધરીના રિમાન્ડ પૂર્ણ થતાં જ્યૂડિશીયલ કસ્ટડીમાં મોકલાયા

ગાંધીનગરઃ દૂધસાગર ડેરીના 800 કરોડ રૂપિયાના કૌભાંડમાં વિપુલ ચૌધરી અને તેમના સીએ શૈલેષ પરીખની પૂછપરછમાં અનેક શંકાસ્પદ આર્થિક વ્યવહારોને લગતી વિગતો બહાર આવી છે. આ અંગે એસીબીના અધિકારીએ જણાવ્યું કે તપાસ દરમિયાન એસીબીને કુલ 66 જેટલા બેંક એકાઉન્ટ મળી આવ્યાં છેે.

વિપુલ ચૌધરીના 5, ગીતાબેન ચૌધરીના 10 અને પવન ચૌધરીના 6 બેંક એકાઉન્ટ મળીને પરિવારના સભ્યોના 21 બેંક એકાઉન્ટની માહિતી મળી છે. કંપનીઓના 45 જેટલા બેંક એકાઉન્ટ છે. તમામ બેંક એકાઉન્ટ અને તેની સાથે જોડાયેલા લોકરને સીલ કરવાની પ્રક્રિયા હાથ ધરવામાં આવી છે. વિપુલ ચૌધરીના દૂધસાગર ડેરીના ચેરમેન તરીકેના કાર્યકાળ દરમિયાન ડેરી સાથેના રૂપિયા 15 કરોડના નવા શંકાસ્પદ વ્યવહારો મળી આવ્યાં છે.   

દૂધસાગર ડેરીના પૂર્વ ચેરમેન વિપુલ ચૌધરીની 800 કરોડ રૂપિયાના કૌભાંડો મામલે ધરપકડ બાદ 7 દિવસના રિમાન્ડ પૂર્ણ થતા તેમને અને તેમના ચાર્ટડ એકાઉન્ટન્ટ શૈલેષ પરીખને જ્યૂડિશીયલ કસ્ટડીમાં મોકલી આપવામાં આવ્યાં છે. બીજી તરફ લાંચ રૂશ્વત વિરોધી બ્યુરોને તપાસ દરમિયાન અનેક ચોંકાવનારી વિગતો મળી છે. કરોડો રૂપિયાના આર્થિક વ્યવહારો થયા હોવાનું ખુલ્યુ છે. 

પવન ચૌધરીના નામે એમેરિકાના ટેક્સાસમાં 9 કરોડ રૂપિયાનો બંગલો ખરીદ્યો હોવાનો   ખુલાસો થયો છે. આ કેસમાં ફરાર તેમના પત્ની અને પુત્ર વિદેશ ભાગવાની ફિરાકમાં હોવાની શક્યતાને પગલે બંને વિરૂદ્ધ લુક આઉટ નોટીસ જાહેર કરાશે.આ મામલે ઇડીને રિપોર્ટ કરવામાં આવ્યો છે.નાણાંકીય સેટલમેન્ટ માટે 31 જેટલી ડમી કંપનીઓ બનાવવામાં આવી હતી.જે પૈકી 4 કંપનીઓ અંગે પ્રાથમિક તપાસ કરવામાં આવતા ચારે કંપનીના એડ્રેસ અને વિગતો બનાવટી હતા. ઇન્કમ ટેક્ષ રિટર્ન ફાઇલ કરવામાં પણ અનેક નાણાંકીય વ્યવહારો ચાર્ટડ એકાઉન્ટન્ટ શૈલેષ પરીખે છુપાવ્યાં હતા. તેમજ બનાવટી ઓડિટ રિપોર્ટ તૈયાર કરાયા હતા. હજુ વિદેશમાં ચૌધરીની કરોડો રૂપિયાની સંપત્તિ હોવાની શકયતા છે.

https://www.gujaratpost.in પર સૌથી ઝડપી સમાચાર 

ગુજરાતના અન્ય લેટેસ્ટ સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch