Thu,21 May 2026,4:51 am
Print
header

વડોદરામાં પત્નીએ ત્રિકમના ફટકા ઝીંકીને પતિની કરી નાખી હત્યા

  • Published By dilip patel
  • 2026-04-27 16:27:19
  • /

વડોદરા: શહેરના કુંભારવાડા તલાવડી વિસ્તારમાં એક શ્રમજીવી પરિવારમાં થયેલા ઝઘડાએ લોહિયાળ સ્વરૂપ ધારણ કર્યું છે. દારૂના નશામાં ચૂર પતિ અને પત્ની વચ્ચે થયેલી સામાન્ય બોલાચાલીમાં ઉશ્કેરાયેલી પત્નીએ પતિને ત્રિકમ મારી મોતને ઘાટ ઉતારતા સમગ્ર પંથકમાં ચકચાર મચી છે.

કુંભારવાડા તલાવડી વિસ્તારમાં રહેતા અમિત અને મંજુ નામના શ્રમજીવી દંપતી વચ્ચે વહેલી સવારે કોઈ કારણોસર તકરાર થઈ હતી. પાડોશીઓના જણાવ્યાં અનુસાર, આ દંપતી વચ્ચે અવારનવાર ઝઘડા થતા હતા. આજે સવારે પણ જ્યારે અમિત દારૂના નશામાં હતો, ત્યારે બંને વચ્ચે બોલાચાલી શરૂ થઈ હતી.

ઝઘડા દરમિયાન આવેશમાં આવી ગયેલી પત્ની મંજુએ ભાન ગુમાવ્યું હતું અને નજીકમાં પડેલી લોખંડની ત્રિકમ ઉપાડીને અમિત પર જોરદાર પ્રહાર કર્યો હતો. આ હુમલો એટલો ભયાનક હતો કે અમિત લોહીલુહાણ હાલતમાં ત્યાં જ ઢળી પડ્યો હતો અને પત્નીની નજર સામે જ તેનું મોત નીપજ્યું હતું.

ઘટનાની જાણ થતાં જ આસપાસના લોકો ભેગા થઈ ગયા હતા અને એમ્બ્યુલન્સ તથા પોલીસને જાણ કરી હતી. 108 એમ્બ્યુલન્સના સ્ટાફે ઘટના સ્થળે પહોંચી તપાસ કરતા અમિતને મૃત જાહેર કર્યો હતો. પોતાના જ હાથે પતિનું મોત થતા પત્ની મંજુ ભાંગી પડી હતી અને સ્થળ પર આક્રંદ કરી રહી હતી. આ મામલે પત્ની વિરુદ્ધ હત્યાનો ગુનો નોંધી કાયદેસરની કાર્યવાહી શરૂ કરવામાં આવી છે. 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch