વોશિંગ્ટન ડીસીઃ અમેરિકાના રાષ્ટ્રપતિ ડોનાલ્ડ ટ્રમ્પે ભારત પર મોટો ટેરિફ લગાવ્યો છે અને હવે ગણતંત્ર દિવસ પર ટ્રમ્પે મોટો મેસેજ આપ્યો હતો. અમેરિકી રાષ્ટ્રપતિ ડોનાલ્ડ ટ્રમ્પે ભારતને અભિનંદન પાઠવતા કહ્યું કે, વિશ્વના સૌથી જૂના અને સૌથી મોટા લોકશાહી હોવાના નાતે અમેરિકા અને ભારત એક ઐતિહાસિક બંધન ધરાવે છે. ટ્રમ્પની આ શુભેચ્છાઓ એવા સમયે આવી છે જ્યારે અમેરિકાની વેપાર અને ટેરિફ (શુલ્ક) નીતિઓ સહિત અનેક મુદ્દાઓ પર બંને દેશો વચ્ચેના સંબંધોમાં તણાવ જોવા મળી રહ્યો છે.
તેમણે જણાવ્યું હતું કે, અમેરિકાની જનતા વતી, હું ભારત સરકાર અને ત્યાંના લોકોને તેમના 77માં પ્રજાસત્તાક દિવસના અવસરે અભિનંદન પાઠવું છું. ટ્રમ્પનો આ સંદેશ નવી દિલ્હી સ્થિત અમેરિકી દૂતાવાસ દ્વારા સોશિયલ મીડિયા પર પોસ્ટ કરવામાં આવી છે.
અમેરિકાના વિદેશ મંત્રી માર્કો રુબિયોએ પ્રજાસત્તાક દિવસ નિમિત્તે ભારતને શુભેચ્છા પાઠવી હતી, કહ્યું હતું કે બંને દેશો વચ્ચે ઐતિહાસિક જોડાણ છે. તેમણે ઉમેર્યું કે, સંરક્ષણ, ઉર્જા, મહત્વપૂર્ણ ખનિજો અને ઉભરતી ટેકનોલોજી પરના અમારા ગાઢ સહયોગથી લઈને ‘ક્વાડ’દ્વારા અમારી બહુસ્તરીય ભાગીદારી સુધી, ભારત-અમેરિકા સંબંધો આપણા બંને દેશો અને ઈન્ડો-પેસિફિક ક્ષેત્ર માટે વાસ્તવિક પરિણામો આપે છે. રુબિયોએ એક નિવેદનમાં જણાવ્યું હતું કે તેઓ સમાન ઉદ્દેશ્યોને આગળ વધારવા માટે સાથે મળીને કામ કરવા આશાવાદી છે.
“On behalf of the people of the United States, I extend my heartfelt congratulations to the government and people of India as you celebrate your 77th Republic Day. The United States and India share a historic bond as the world’s oldest and largest democracies.” - President… pic.twitter.com/oC9x3Qs9y3
— U.S. Embassy India (@USAndIndia) January 26, 2026
નોંધનીય છે કે, આ વખતે પરેડમાં અમેરિકા નિર્મિત પરિવહન વિમાન C-130J અને અપાચે હેલિકોપ્ટર સહિત અનેક ફાઈટર વિમાનો સામેલ હતા. પ્રજાસત્તાક દિવસની પરેડમાં બે મુખ્ય અતિથિઓ હતા - યુરોપિયન કાઉન્સિલના અધ્યક્ષ એન્ટોનિયો કોસ્ટા અને યુરોપિયન કમિશનના પ્રમુખ ઉર્સુલા વોન ડેર લેયેન, જેમણે આજે કર્તવ્ય પથ પર ભારતની શક્તિનું જીવંત પ્રદર્શન નિહાળ્યું હતું.
આ વખતની મુખ્ય પરેડની થીમ 'વંદે માતરમ્' રાખવામાં આવી હતી. પરેડ દરમિયાન કર્તવ્ય પથ પર 30 ઝાંખીઓ નીકળી હતી, જે 'સ્વતંત્રતાનો મંત્ર-વંદે માતરમ્, સમૃદ્ધિનો મંત્ર-આત્મનિર્ભર ભારત' થીમ પર આધારિત હતી. આ દરમિયાન ઇન્ડિયન એરફોર્સના 29 એરક્રાફ્ટે ફ્લાયપાસ્ટ કર્યું હતું, જેમાં 16 ફાઇટર જેટ, 4 ટ્રાન્સપોર્ટ એરક્રાફ્ટ અને 9 હેલિકોપ્ટરનો સમાવેશ થયો હતો.
મૃગીકુંડમાં શાહી સ્નાન વખતે પોલીસ સાથે ગેરવર્તન કરવું ભારે પડ્યું, કીર્તિ પટેલ સામે પોલીસ ફરિયાદ | 2026-02-17 18:19:06
T-20 વર્લ્ડકપમાં મોટો ઉલટફેરઃ ઓસ્ટ્રેલિયા ફેંકાયું, ઝિમ્બાબ્વે સુપર- 8માં પહોંચ્યું | 2026-02-17 18:12:46
વિધાનસભામાં દુકાન અને સંસ્થા સુધારા બિલ સર્વાનુમતે પસાર, જાણો શું થશે અસર ? | 2026-02-17 17:56:25
બાંગ્લાદેશને નવી સરકાર મળી, BNP નેતા તારિક રહેમાને વડાપ્રધાન તરીકે શપથ લીધા | 2026-02-17 17:19:06
12 મા ધોરણની બોર્ડ પરીક્ષા, 584 માંથી 581 વિદ્યાર્થીઓ ચોરી કરતા પકડાયા, 50 થી વધુ શાળા સ્ટાફ સામે કાર્યવાહી | 2026-02-17 15:32:49
પાકિસ્તાનમાં આતંકવાદી હુમલો, વિસ્ફોટકોથી ભરેલું વાહન ચેકપોસ્ટ સાથે અથડાયું, 11 સુરક્ષા કર્મચારીઓનાં મોત | 2026-02-17 15:05:30
અમેરિકા: વિદ્યાર્થીઓ આઇસ હોકી મેચ રમી રહ્યાં હતા ત્યારે ગોળીબાર થયો, બાળકી સહિત 3 લોકોનાં મોત | 2026-02-17 11:27:09
અમેરિકામાં ભારતીય એન્જિનિયર મૃત હાલતમાં મળ્યો, છ દિવસ પહેલા પાડોશીના દરવાજા પાસેથી લેપટોપ- બેગ મળી હતી | 2026-02-15 09:13:13
India - US Trade Deal: ટેક્સટાઈલ પર શૂન્ય ટકા ટેરિફ કરી શકે છે અમેરિકા | 2026-02-12 17:31:49
Copyright © 2025 Gujarat Post News.
Whatsapp
