રાષ્ટ્રપતિની ચૂંટણીમાં ડોનાલ્ડ ટ્રમ્પને જીત બદલ નરેન્દ્ર મોદીએ પાઠવ્યાં અભિનંદન, જાણો વિશ્વના નેતાઓએ તેમના સંદેશમાં શું કહ્યું ?

US Election: અમેરિકામાં રાષ્ટ્રપતિની ચૂંટણી માટે મતદાન સમાપ્ત થઈ ગયું છે. હવે ચૂંટણીમાં રિપબ્લિકન ઉમેદવાર ડોનાલ્ડ ટ્રમ્પ અને ડેમોક્રેટ ઉમેદવાર કમલા હેરિસ આમને-સામને છે. અમેરિકાના ફોક્સ ન્યૂઝે કહ્યું છે કે ડોનાલ્ડ ટ્રમ્પ અમેરિકાના નવા રાષ્ટ્રપતિ હશે. તેઓ દેશના 47માં રાષ્ટ્રપતિ બનશે. હવે ડોનાલ્ડ ટ્રમ્પની જીતનો દાવો કરવામાં આવી રહ્યો છે. ડોનાલ્ડ ટ્રમ્પની જીત બાદ અભિનંદનની વર્ષા શરૂ થઈ ગઈ છે.

પીએમ નરેન્દ્ર મોદીએ જીત બદલ અભિનંદન પાઠવ્યાં

વડાપ્રધાન નરેન્દ્ર મોદીએ સોશિયલ મીડિયા સાઇટ X પર ડોનાલ્ડ ટ્રમ્પને તેમની જીત બદલ અભિનંદન પાઠવ્યાં. તેમને X પર લખ્યું કે મારા મિત્ર ડોનાલ્ડ ટ્રમ્પને તેમની ઐતિહાસિક ચૂંટણી જીત પર હાર્દિક અભિનંદન. જેમ જેમ તમે તમારા પાછલા કાર્યકાળની સફળતાઓનું નિર્માણ કરો છો, હું ભારત-યુએસ વ્યાપક વૈશ્વિક અને વ્યૂહાત્મક ભાગીદારીને વધુ મજબૂત કરવા માટે અમારા સહકારને નવીકરણ કરવા માટે ઉત્સુક છું. આપણે બધા આપણા લોકોના ભલા માટે સાથે મળીને કામ કરીએ અને વૈશ્વિક શાંતિ, સ્થિરતા અને સમૃદ્ધિને પ્રોત્સાહન આપીએ.

Heartiest congratulations my friend @realDonaldTrump on your historic election victory. As you build on the successes of your previous term, I look forward to renewing our collaboration to further strengthen the India-US Comprehensive Global and Strategic Partnership. Together,… pic.twitter.com/u5hKPeJ3SY

— Narendra Modi (@narendramodi) November 6, 2024

ઈમેન્યુઅલ મેક્રોન અને બેન્જામિન નૈતન્યાહુએ અભિનંદન પાઠવ્યાં

ડોનાલ્ડ ટ્રમ્પને તેમની જીત પર અભિનંદન આપતાં ફ્રાન્સના રાષ્ટ્રપતિ ઈમેન્યુઅલ મેક્રોને સોશિયલ મીડિયા સાઈટ X પર લખ્યું કે પહેલાની જેમ, તેઓ તેમની સાથે કામ કરવા માટે તૈયાર છે. ટ્રમ્પને તેમની જીત પર અભિનંદન આપતાં ઇઝરાયેલના વડાપ્રધાન બૈન્જામિન નેતન્યાહુએ કહ્યું,ટ્રમ્પનું પરત ફરવું એ અમેરિકા માટે એક નવા યુગની શરૂઆત છે અને ઇઝરાયેલ સાથે શક્તિશાળી જોડાણ માટે ફરીથી પ્રતિબદ્ધ છે.

Dear Donald and Melania Trump,

Congratulations on history’s greatest comeback!

Your historic return to the White House offers a new beginning for America and a powerful recommitment to the great alliance between Israel and America.

This is a huge victory!

In true friendship,… pic.twitter.com/B54NSo2BMA

— Benjamin Netanyahu - בנימין נתניהו (@netanyahu) November 6, 2024

હંગેરિયન પીએમ અને ઓસ્ટ્રિયાના ચાન્સેલરે અભિનંદન પાઠવ્યાં

ટ્રમ્પને તેમની જીત પર અભિનંદન આપતા હંગેરીના વડાપ્રધાન ઓર્બને કહ્યું કે વિશ્વને આ જીતની સખત જરૂર હતી. ઓસ્ટ્રિયાના ચાન્સેલર કાર્લ નેહામરે એક્સ પર ડોનાલ્ડ ટ્રમ્પને તેમની જીત બદલ અભિનંદન પાઠવતા લખ્યું કે યુનાઇટેડ સ્ટેટ્સ ઓસ્ટ્રિયા માટે મહત્વપૂર્ણ વ્યૂહાત્મક ભાગીદાર છે. અમે વૈશ્વિક પડકારોને સફળતાપૂર્વક સંબોધવા માટે અમારા ટ્રાન્સ-એટલાન્ટિક સંબંધોને વધુ વિસ્તરણ અને મજબૂત કરવા આતુર છીએ

શાહબાઝ શરીફે અભિનંદન પાઠવ્યાં

ડોનાલ્ડ ટ્રમ્પને અભિનંદન આપતા પાકિસ્તાનના વડાપ્રધાન શહેબાઝ શરીફે X પર લખ્યું ડોનાલ્ડ ટ્રમ્પને રાષ્ટ્રપતિની ચૂંટણીમાં બીજી ટર્મ માટે તેમની ઐતિહાસિક જીત બદલ અભિનંદન ! હું પાકિસ્તાન-યુએસ ભાગીદારીને વધુ મજબૂત અને વિસ્તૃત કરવા આવનારા વહીવટીતંત્ર સાથે મળીને કામ કરવા આતુર છું.

Congratulations to President-elect Donald Trump on his historic victory for a second term! I look forward to working closely with the incoming Administration to further strengthen and broaden the Pakistan-U.S. partnership. @realDonaldTrump

— Shehbaz Sharif (@CMShehbaz) November 6, 2024

અમારી મોબાઇલ એપ ડાઉનલોડ કરોઃ

Android મોબાઇલ માટેઃ https://play.google.com/store/apps/details?id=com.gujaratpost.app

iOS મોબાઇલ માટેઃ https://apps.apple.com/in/app/gujarat-post/id6475000526+++