Fri,30 September 2022,3:28 pm
Print
header

અમેરિકાની ન્યૂઝ એન્કરે હિજાબ પહેરવાનો કર્યો ઈનકાર, ઈરાનના રાષ્ટ્રપતિએ ઈન્ટરવ્યૂં કર્યો કેન્સલ- Gujarat Post

(તસવીર સૌજન્યઃ એએનઆઈ)

અમેરિકાની ધરતી પર ઈરાનના રાષ્ટ્રપતિ ઈબ્રાહીમ રઈસીનો આ પ્રથમ ઈન્ટરવ્યૂ હતો

પત્રકારે હિજાબ પહેરવાની ના પાડી કહ્યું, અમે ન્યૂયોર્કમાં છીએ અને અમેરિકામાં હિજાબ પહેરવાની પરંપરા કે કાનૂન નથી

ન્યૂયોર્કઃ ઇરાનમાં ચાલતા હિજાબ વિવાદની વચ્ચે મોટા સમાચાર સામે આવ્યાં છે.ઇરાનના રાષ્ટ્રપતિ ઇબ્રાહિમ રઇસીએ અમેરિકન પત્રકાર સાથેનો નિર્ધારિત ઇન્ટરવ્યૂં રદ કર્યો હતો.કારણ કે સામે પત્રકારે ઇન્ટરવ્યૂં દરમિયાન હિજાબ પહેરવાનો ઇનકાર કરી દીધો હતો. આ મામલો એવા સમયે સામે આવ્યો છે જ્યારે ઈરાનમાં મહસા અમિનીના મોત પર જબરદસ્ત વિરોધ થઈ રહ્યો છે. હિજાબ યોગ્ય રીતે ન પહેરવાના આરોપસર અમિનીની ઇરાની પોલીસે અટકાયત કરી હતી.

સીએનએનના ચીફ ઈન્ટરનેશનલ એન્કર ક્રિશ્ચિયન એમોનપુરે ટ્વિટર પર ઈરાનના રાષ્ટ્રપતિ ઇબ્રાહિમ રાયસી સાથેનો તેમનો ઇન્ટરવ્યૂં રદ કરવાની જાહેરાત કરી હતી.તેમણે કહ્યું કે તેમને ઇન્ટરવ્યૂં દરમિયાન હેડસ્કાર્ફ પહેરવાનું સૂચન કરવામાં આવ્યું હતું, એમોનોપોરે તેનો ઇનકાર કર્યો હતો. જે બાદ ઇન્ટરવ્યૂં રદ કરવામાં આવ્યો હતો. તેમણે ઘણા ટ્વિટ્સ દ્વારા જણાવ્યું હતું કે તેમણે ઇન્ટરવ્યૂં દરમિયાન મહસા અમિનીના મૃત્યુંથી લઈને ઈરાન વિશે ઘણા પ્રશ્નો તૈયાર કર્યા હતા.

ક્રિશ્ચિયન એમોનપુરે લખ્યું, અમેરિકાની ધરતી પર ઈરાનના રાષ્ટ્રપતિ ઈબ્રાહીમ રાયસીનો આ પ્રથમ ઈન્ટરવ્યૂ હતો. તે યુનાઈડેટ નેશન્સની બેઠકમાં ભાગ લેવા ન્યૂયોર્ક પ્રવાસે છે. અઠવાડિયાની મહેનત અને 8 કલાક ટ્રાન્સલેશન ડિવાઇસ સાથે પસાર કર્યાં બાદ અમે તૈયાર હતા પરંતુ રાષ્ટ્રપતિ ઈબ્રાહીમ રાયસી આવવાનો કોઈ સંકેત ન મળ્યો. દરમિયાન તેમના સહયોગીએ આવીને કહ્યું, હિજાબ પહેરવો પડશે.કારણ કે મોહરમ પવિત્ર મહિનો ચાલી રહ્યો છે. જેથી મેં ના પાડીને કહ્યું અમે ન્યૂયોર્કમાં છીએ, અમેરિકામાં હિજાબ પહેરવાની પરંપરા કે કાનૂન નથી. જે બાદ તેમના સાથીએ ઈન્ટરવ્યૂ નહીં થાય તેમ સ્પષ્ટ કહી દીધું અને આ ઈન્ટરવ્યૂં ન થયો. ઈરાનમાં પ્રદર્શન ચાલુ છે અને લોકોના મોત થઈ રહ્યાં છે.

https://www.gujaratpost.in પર સૌથી ઝડપી સમાચાર 

ગુજરાતના અન્ય લેટેસ્ટ સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch