Wed,10 August 2022,6:55 am
Print
header

ચીનને લાગ્યા મરચાં, તાઈવાનના રાષ્ટ્રપતિ સાથે નેન્સી પેલોસીએ કરી મુલાકાત, કહ્યું મિત્રતા પર ગર્વ, દરેક સ્તરે આપીશું સાથ – Gujarat Post

નેન્સી પેલોસીની તાઇવાન મુલાકાતથી ચીનના પેટમાં રેડાયું તેલ

તાઇવાનઃ યુએસ સ્પિકર નેન્સી પેલોસીએ તાઈવાનના રાષ્ટ્રપતિ સાઈ ઈંગ વેન સાથે મુલાકાત કરી હતી. આ દરમિયાન તેમણે સ્પષ્ટ કર્યું  કે, અમેરિકા દરેક મોર્ચે તાઈવાનની સાથે છે. અમેરિકાએ તાઈવાન સાથે કરેલા વચનો નિભાવશે. અમેરિકી પ્રતિનિધિસભાના સ્પિકર નેન્સી પેલોસીએ બુધવારે કહ્યું કે, તેમનું પ્રતિનિધિમંડળ આ વિસ્તારની શાંતિ માટે તાઈવાન આવ્યાં છે. પેલોસીની આ યાત્રાથી ચીન ભડકેલું છે અને હવે રાજદ્વારી હલચલ પણ જોવા મળી રહી છે. ચીનની સતત ધમકીઓ છતાં પણ પેલોસી મંગળવારે મોડી રાતે તાઈવાનમાં ઉતર્યાં હતા. તાઈવાનને પોતાનું ક્ષેત્ર માનનારા ચીને કહ્યું હતું કે, જો પેલોસી તાઈવાનની યાત્રા કરશે તો, તેને ચીન ઉશ્કેરણી તરીકે જોશે. ચીન તાઈવાનને પોતાનું ક્ષેત્ર માનતું આવ્યું છે અને કહે છે કે, તે ચીનમાં ભેળવી દેશે.

તાઈવાનના રાષ્ટ્રપતિ સાઈ ઈંગ-વેને કહ્યું કે અમે તાઈવાન સ્ટ્રેટમાં શાંતિ અને સ્થિરતા જાળવવા માટે પ્રતિબદ્ધ છીએ. તાઈવાન મુક્ત અને ખુલ્લા ઈન્ડો-પેસિફિકને સુનિશ્ચિત કરવા માટે પ્રાદેશિક સુરક્ષામાં એક મુખ્ય સ્થિર શક્તિ બની શકે છે. અમે લોકતાંત્રિક મૂલ્યોના રક્ષણ માટે વિશ્વભરના તમામ લોકશાહી દેશો સાથે સહકાર અને એકતામાં કામ કરવા ઈચ્છીએ છીએ.

બીજી તરફ કોંગ્રેસના નેતા મનીષ તિવારીએ લોકસભા સ્પીકર ઓમ બિરલાને એક મહત્વપૂર્ણ સૂચન આપ્યું છે. કોંગ્રેસના સાંસદ તિવારીએ કહ્યું કે સ્પીકર બિરલાએ સંસદીય પ્રતિનિધિમંડળને પણ તાઈવાન લઈ જવું જોઈએ. તિવારીએ યુએસ પ્રમુખ જો બાઈડેનના નિવેદનનો પણ ઉલ્લેખ કર્યો, જેમાં તેમણે યુએસ સંસદને સરકારની શાખા તરીકે દર્શાવી હતી. મતલબ કે સંસદીય દળના પ્રવાસ પર સરકારનું બહુ નિયંત્રણ નથી.

https://www.gujaratpost.in પર સૌથી ઝડપી સમાચાર 

ગુજરાતના અન્ય લેટેસ્ટ સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch