Thu,21 May 2026,3:50 am
Print
header

વિપક્ષ મુક્ત સુરત પાલિકા: AAP અને કોંગ્રેસના સુપડાં સાફ, ફરીથી ભાજપ પર લોકોનો વિશ્વાસ

  • Published By
  • 2026-04-28 17:39:13
  • /
  • પાયલ સાકરિયા, મનોજ સોરઠિયા ભાજપની આંધીમાં ઉડ્યાં
  • અલ્પેશ કથીરિયાના પત્ની કાવ્યા કથીરિયાનો ભાજપમાંથી વિજય

સુરતઃ સુરત મહાનગરપાલિકાની ચૂંટણીમાં ભાજપે તમામ જૂના રેકોર્ડ તોડીને એક નવો ઇતિહાસ રચી દીધો છે. સતત સાતમી વાર પાલિકામાં ભાજપનો વિજયધ્વજ ફરક્યો છે. આ વિજય સાથે સુરત પાલિકાના રૂપિયા 11,000 કરોડના વહીવટ પર ભાજપનું એકહથ્થુ શાસન સ્થપાયું છે. આપના વિપક્ષ નેતા પાયલ સાકરિયા, મનોજ સોરઠિયા સહિતના ઉમેદવારોની હાર થઈ છે.

આમ આદમી પાર્ટી (AAP) ના પતન પાછળના મુખ્ય કારણો
ગઈ ચૂંટણીમાં જે આપ'સુરતમાં મજબૂત બનીને ઉભરી હતી, તેના પરાજય પાછળ આ કારણો જવાબદાર ગણાય છે:

  • જનતાનો રોષ અને પક્ષપલટો: ગઈ વખતે જીતેલા 14 કોર્પોરેટરો ભાજપમાં જોડાઈ જતા મતદારોમાં ભારે રોષ હતો.
  • સોશિયલ મીડિયા વિરુદ્ધ ગ્રાઉન્ડ વર્ક: આપના નેતાઓ માત્ર સોશિયલ મીડિયા પર સક્રિય રહ્યાં, જ્યારે ભાજપનું પેઈજ પ્રમુખ મોડલ અને સાયલન્ટ વોટિંગ ટેકનિક વધુ અસરકારક સાબિત થઈ.
  • સસ્તી પ્રસિદ્ધિ: બેફામ આક્ષેપો અને સસ્તી પ્રસિદ્ધિ મેળવવાના પ્રયાસો સુરતીઓને પસંદ ન આવ્યાં. પરિણામે વિપક્ષના પૂર્વ નેતા અને ઉપનેતા પણ પોતાની બેઠક બચાવી શક્યા નથી.

નિયમ મુજબ, પાલિકામાં સત્તાવાર વિપક્ષનું પદ મેળવવા માટે ઓછામાં ઓછી 7 બેઠકો હોવી જરૂરી છે. પરંતુ આ વખતે આપને 4 અને કોંગ્રેસ 1 મળીને પણ આ આંકડો સ્પર્શી શક્યા નથી. 1995 પછી ફરી એકવાર સુરત પાલિકામાં સત્તાવાર વિપક્ષી નેતાની કેબિન, ગાડી અને લાલ ફોન જેવી સુવિધાઓ જોવા મળશે નહીં. ભાજપ હવે કોઈ પણ અવરોધ વિના સુરતનો વહીવટ સંભાળશે. 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch