Thu,21 May 2026,4:22 am
Print
header

સુરતના વરાછામાં ધોળા દિવસે SBI બેંકમાં રૂપિયા 50 લાખની સશસ્ત્ર લૂંટ, શહેરમાં ચકચાર

  • Published By Panna Patel
  • 2026-04-27 16:18:44
  • /

સુરતઃ શહેરની ગીચ વસ્તી ધરાવતા વરાછા વિસ્તારમાં ધોળા દિવસે લૂંટની એક સનસનાટીખેજ ઘટના સામે આવી છે. વરાછા સ્થિત SBIની શાખામાં ચાર હથિયારધારી લૂંટારુઓએ ત્રાટકીને અંદાજે 50 લાખ રૂપિયાની લૂંટ ચલાવી હતી.

બપોરના સમયે જ્યારે બેંકની કામગીરી ચાલુ હતી ત્યારે ચાર અજાણ્યા સશસ્ત્ર શખ્સો ધસી આવ્યાં હતા. હથિયારો સાથે બેંકમાં ઘૂસેલા લૂંટારુઓએ કર્મચારીઓને બંદૂકની અણીએ બંધક બનાવ્યાં હતા અને જાનથી મારી નાખવાની ધમકીને સ્ટ્રોંગ રૂમ- કેશ કાઉન્ટર પર કબ્જો કરી લીધો હતો.

ઘટનાની જાણ થતાં જ સુરત પોલીસ હરકતમાં આવી ગઈ હતી. વરાછા, પુણા, કાપોદ્રા અને સરથાણા પોલીસ સ્ટેશનના પીઆઈ સહિત એસીપી, ડીસીપી અને એડિશનલ સીપી કક્ષાના ઉચ્ચ અધિકારીઓ તાત્કાલિક બેંક પર દોડી આવ્યાં હતા.

પોલીસે બેંકની અંદર અને બહારના સીસીટીવી કેમેરાના ફૂટેજ મેળવી લૂંટારુઓના વર્ણન અને ભાગવાના રૂટની તપાસ શરૂ કરી છે. લૂંટારુઓ શહેર છોડીને ભાગી ન જાય તે માટે શહેરના તમામ એન્ટ્રી અને એક્ઝિટ પોઈન્ટ પર કડક નાકાબંધી કરી દેવામાં આવી છે. સમગ્ર વરાછા વિસ્તારને પોલીસ છાવણીમાં ફેરવી દઈ શંકાસ્પદ વ્યક્તિઓની પૂછપરછ કરવામાં આવી રહી છે.

ધોળા દિવસે થયેલી આ લૂંટને પગલે સુરત પોલીસની સુરક્ષા વ્યવસ્થા સામે પણ સવાલો ઉભા થયા છે, ત્યારે ઉચ્ચ અધિકારીઓએ આ મામલાને ગંભીરતાથી લઈ ગુનેગારોને વહેલી તકે ઝડપી લેવાની ખાતરી આપી છે.

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch