સુરતઃ ગુજરાતમાં વધુ એક જમીન કૌભાંડ સામે આવ્યું છે.સુરતમાં સાયલન્ટ ઝોનની સ્કીમ માટે કરોડોની જમીનના 135 બોગસ પ્રોપર્ટી કાર્ડ બનાવી દીધા હોવાનો મામલો સામે આવતાં ખળભળાટ મચી ગયો છે.
ઘોડદોડ રોડ ખાતે રહેતા ખેડૂતની ડુમ્મસ અને વાટાની કરોડો રૂપિયાની જમીનના બોગસ પ્રોપર્ટી કાર્ડ બનાવી સાયલન્ટ ઝોનની સ્કીમ મૂકવાનો કૌભાંડ સામે આવ્યું છે. જેમાં સમૃદ્ધિ કોર્પોરેશનના ભાગીદારો અને સીટી સર્વે સુપ્રિટેન્ડન્ટના અધિકારીઓ-કર્મચારીઓ વિરુદ્ધ સીઆઈડી ક્રાઇમમાં ગુનો નોંધાયો હતો. જ્યારે એક બ્રોકર તેમની જુદી-જુદી જમીનો પૈકી એક બ્લોકનું પ્રોપર્ટીકાર્ડ લઈ વેચાણ માટે આવ્યાં ત્યારે સમગ્ર મામલો સામે આવ્યો હતો. બ્રોકરના આવ્યાં બાદ, ખેડૂતે તપાસ કરી તો તેમના તમામ સર્વે નંબરોમાં અલગ અલગ વ્યક્તિઓનાં નામે 135 બોગસ પ્રોપર્ટીકાર્ડ બન્યા હતા. આ અંગે ખેડૂતે મુખ્યમંત્રી, મહેસૂલ મંત્રી, કલેક્ટર, પોલીસ, મહાનગરપાલિકામાં કરેલી ફરિયાદમાં ન્યાય નહીં મળતા સીઆઈડી ક્રાઇમમાં અરજી કરવામાં આવી હતી. જેના આધારે ગુનો નોંધી તપાસ હાથ ધરવામાં આવી હતી.
તપાસ કરતા ખુલાસો થયો કે, ફરિયાદી કે તેમના પરિવારજનોએ ક્યારેય પ્રોપર્ટીકાર્ડ મેળવવા અરજી કરી ન હતી. છતાં તેમની જમીનમાં આશરે 135 જેટલા અલગ અલગ ક્ષેત્રફળ મુજબ અલગ અલગ નામથી પ્રોપર્ટીકાર્ડ બની ગયા હતા. તે બનાવવા માટે જરૂરી પ્રક્રિયા નહીં કરી સુરત સીટી સર્વે સુપ્રિટેન્ટન્ડની કચેરીના અધિકારીઓએ તે બનાવ્યા હતા. એટલું જ નહીં તપાસમાં તેવું પણ જાણવા મળ્યું હતું કે, બોગસ પ્રોપર્ટીકાર્ડ બનાવી સાયલન્ટ ઝોન નામની પ્લોટીંગ સ્કીમ મુકનાર સમૃદ્ધિ કોર્પોરેશન નામની કોઈ કંપની નોંધાયેલી ન હતી, છતાં તેના બેન્ક એકાઉન્ટમાં પ્લોટોના વેચાણના પૈસા જમા થયા હતા. આ મામલે તપાસ દરમિયાન વધુ મોટા ઘટસ્ફોટ થઈ શકે છે અને મોટા માથાઓનાં નામો સામે આવી શકે છે.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
ટ્રમ્પ શાસનમાં 20 હજાર ભારતીયો પેપર્સ વગર અટવાયા... ફાઇનલ હટાવવાનો આદેશ આવવાનો છે | 2025-01-22 14:59:10
અમદાવાદ એરપોર્ટ પરથી 7 કરોડનું ડ્રગ્સ ઝડપાયું, ચાર દિવસમાં બીજી ઘટના - Gujarat Post | 2025-01-22 14:33:12
કર્ણાટકમાં ફળ-શાકભાજી વેચવા જતી ટ્રક ખીણમાં ખાબકી, 10 લોકોનાં મોત - Gujarat Post | 2025-01-22 11:59:29
તુર્કીના રિસોર્ટમાં ભીષણ આગ, અત્યાર સુધીમાં 66 લોકોનાં મોત, લોકો ડરના કારણે બારીમાંથી કૂદી પડ્યાં | 2025-01-21 20:28:51
ગૌતમ અદાણી મહાકુંભમાં, CM ભૂપેન્દ્ર પટેલ આ તારીખે લગાવશે આસ્થાની ડૂબકી - Gujarat Post | 2025-01-21 11:40:26
સુરતમાં હીરાના વેપારી હની ટ્રેપમાં ફસાયા, સોનાની બે વીંટી સહિત રૂ. 1.45 લાખની લૂંટ | 2025-01-21 10:02:51
સુરત: ડોનાલ્ડ ટ્રમ્પનું 4.30 કેરેટ લેબગ્રોન ડાયમંડમાંથી બનાવેલ પોટ્રેટ તૈયાર કરાયું, કિંમત 10 હજાર યુએસ ડોલર | 2025-01-20 17:50:23
પંડિત પ્રદીપ મિશ્રાની કથા પર વિવાદ, પીએમ મોદી સહિત ભાજપના નેતાઓની તસવીરોવાળા હોર્ડિંગ્સ હટાવાયા | 2025-01-19 17:29:33
અમદાવાદમાં નરોડા પોલીસે બે પોલીસકર્મીઓ વિરુદ્ધ FIR નોંધી, PCR વાનમાં દારૂ અને રોકડ મળી હતી | 2025-01-18 19:16:33
હિન્દુ યુવતી સાથે લગ્ન કરવા મુસ્લિમ યુવક બન્યો હિન્દુ, બનાવ્યાં નકલી દસ્તાવેજો | 2025-01-16 12:55:21
સુરતમાં આરટીઓ ઇન્સ્પેક્ટર પરસ્ત્રી સાથે મનાવતો હતો રંગરેલિયા અને પત્ની ત્રાટકી | 2025-01-10 14:44:44
Copyright © 2018-2024 Gujarat Post News.
Whatsapp
