Thu,23 September 2021,12:15 pm
Print
header

ગુજરાતના રાજકારણમાં નવાજૂનીના એંધાણ, નીતિન પટેલ શંકરસિંહ વાઘેલાને મળ્યાં હોવાની ચર્ચાઓ તેજ

અમદાવાદઃ ગુજરાતના નવા મુખ્યમંત્રી તરીકે ભૂપેન્દ્ર પટેલના નામની જાહેરાત સાથે જ નીતિન પટેલનું શું થશે તેની ચર્ચાઓ થઈ રહી છે. એક અહેવાલ મુજબ નીતિન પટેલને ભૂપેન્દ્ર પટેલની નવી સરકારમાં સ્થાન નહીં આપવામાં આવે અને તેમને કોઈ રાજ્યના રાજ્યપાલ બનાવવામાં આવશે. નીતિન પટેલની નારાજગી પણ મીડિયા સામે જોવા મળી છે.

એક વેબસાઈટના રિપોર્ટ પ્રમાણે, પૂર્વ મુખ્યમંત્રી વિજય રૂપાણી, નાયબ મુખ્યમંત્રી નીતિન પટેલ અને મંત્રી ભૂપેન્દ્રસિંહ ચૂડાસમા નારાજ નેતાઓમાં છે. તેમની નારાજગી દૂર કરવા માટે ભાજપના રાષ્ટ્રીય સંગઠન મહામંત્રી બી.એલ.સંતોષ અને ગુજરાત ભાજપ પ્રભારી ભૂપેન્દ્ર યાદવને કામ સોંપાયું છે અને ત્રણ કલાક સુધી તેમની વચ્ચે બેઠકો પણ થઇ છે. બીજી તરફ નારાજ થયેલા નીતિન પટેલ ગુજરાતના પૂર્વ મુખ્યમંત્રી શંકરસિંહ વાઘેલાને મળ્યાં હોવાની ચર્ચાઓ થઇ રહી છે.

નીતિન પટેલે બાપુ સાથે કોઇ અજ્ઞાત સ્થળે મુલાકાત કરી હોવાની ચર્ચાઓ છે. બંને નેતાઓ વચ્ચે લાંબી ચર્ચાઓ થઈ હોવાનું જાણવા મળ્યું છે. ભાજપના જ કેટલાક ઉચ્ચ નેતાઓને આ મુલાકાતની આઈબી પાસેથી માહિતી મળતાં મોડી રાત સુધી પક્ષમાં દોડધામ મચી હતી. જો કે અમે આ વાતને હજુ સુધી નક્કર સમર્થન આપતા નથી પરતું આ મુલાકાત થઇ હશે તો ગુજરાતના રાજકારણમાં નવો વળાંક આવશે તે નક્કિ છે.

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પરો

https://www.gujaratpost.in/news/listing/Gu

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch