(file photo)
નવી દિલ્હીઃ દેશની સર્વોચ્ચ ન્યાયિક સંસ્થા સુપ્રીમ કોર્ટે પોતાની કાર્યપ્રણાલીમાં મોટો ફેરફાર કરીને એક આધુનિક અને પર્યાવરણને અનુકૂળ વ્યવસ્થા લાગુ કરવાનો નિર્ણય લીધો છે. કોર્ટે સોમવાર અને શુક્રવારે કેસોની સુનાવણી માત્ર વીડિયો કોન્ફરન્સિંગના માધ્યમથી જ કરવાનો નિર્ણય કર્યો છે.
સુપ્રીમ કોર્ટ દ્વારા જાહેર કરવામાં આવેલા નિર્દેશો અનુસાર, હવે તમામ મિસલેનિયસ ડેઝ એટલે કે સોમવાર, શુક્રવાર અને અન્ય નિર્ધારિત દિવસોમાં કેસોની સુનાવણી માત્ર વીડિયો કોન્ફરન્સિંગ દ્વારા જ થશે. આ નિર્ણય હેઠળ કોર્ટે રજિસ્ટ્રીને કોઈ પક્ષકારને મુશ્કેલી ન પડે તે માટે વીડિયો લિંક સમયસર મોકલવામાં આવે અને ટેકનિકલ સહાયતા પણ સરળતાથી ઉપલબ્ધ રહે તે સુનિશ્ચિત કરવા જણાવ્યું છે. કોવિડ-19 મહામારીના સમયથી શરૂ થયેલી ડિજિટલ સુનાવણીને હવે એક કાયમી અને વ્યવસ્થિત માળખામાં સામેલ કરવામાં આવી રહી છે.
સુપ્રીમ કોર્ટના તમામ ન્યાયાધીશોએ સર્વસંમતિથી કાર-પૂલિંગ વ્યવસ્થાને પ્રોત્સાહન આપવાનો નિર્ણય લીધો છે. આ પગલું વર્તમાન વૈશ્વિક પરિસ્થિતિઓ અને ઊર્જા સંરક્ષણની જરૂરિયાતને ધ્યાનમાં રાખીને લેવામાં આવ્યું છે, જેનો ઉદ્દેશ પર્યાવરણ પર પડતા દબાણને ઓછું કરવાનો પણ છે.
સુપ્રીમ કોર્ટની રજિસ્ટ્રી સાથે જોડાયેલા કર્મચારીઓ માટે પણ એક નવી વ્યવસ્થા લાગુ કરવામાં આવી છે. આદેશ અનુસાર, દરેક શાખા અને સેક્શનમાં 50 ટકા કર્મચારીઓ અઠવાડિયામાં બે દિવસ વર્ક ફ્રોમ હોમ કરી શકશે. જો કે, એ પણ સ્પષ્ટ કરવામાં આવ્યું છે કે બાકીનો સ્ટાફ ઓફિસમાં હાજર રહેશે જેથી કામકાજ કોઈ પણ જાતની અડચણ વગર ચાલતું રહે. આ સાથે જ કર્મચારીઓને નિર્દેશ આપવામાં આવ્યો છે કે તેઓ વર્ક ફ્રોમ હોમ દરમિયાન ફોન પર ઉપલબ્ધ રહે અને જરૂર પડે ત્યારે તાત્કાલિક ઓફિસે આવવા માટે તૈયાર રહે.
ઉલ્લેખનીય છે કે વડાપ્રધાન નરેન્દ્ર મોદીએ થોડા દિવસો પહેલા ઈંધણનો વપરાશ ઘટાડવાની અપીલ કરી હતી. આ જ ક્રમમાં ખુદ પીએમ સહિતના કેટલાક મંત્રીઓએ પોતાના કાફલાનું કદ ઘટાડી દીધું હતું. આ સિવાય કેટલાય રાજ્યોએ વર્ક ફ્રોમ હોમનો આદેશ પણ આપ્યો હતો. .
અમદાવાદઃ વિમાનના ટોયલેટ સ્પીકરમાંથી રૂ. 4 કરોડોનું સોનું જપ્ત, બે પાઉચમાંથી 24 સોનાના બિસ્કિટ મળ્યાં | 2026-06-13 09:30:49
વિમાન દુર્ઘટનાનો ભોગ બનેલા લોકોના પરિવારોએ પ્રિયજનોને યાદ કર્યા, મૃતકો માટે સ્મારક બનાવવાની માંગ | 2026-06-13 09:09:38
ત્રણ ભારતીય ખલાસીઓના મોત પર જયશંકર ગુસ્સે ભરાયા, માર્કો રુબિયો સાથે ફોન પર નારાજગી વ્યક્ત કરી | 2026-06-13 08:45:56
ચોટીલાના PI- PSI સહિત 4 પોલીસકર્મીઓ સસ્પેન્ડ, સુરેન્દ્રનગર LCBમાં પણ મોટા પાયે બદલીઓ થઇ | 2026-06-12 18:19:56
પેરોલ પર છૂટેલા કુખ્યાત મોન્ટુ નામદારે પોલીસ સ્ટેશન બહાર જ પોલીસકર્મીને આપી જાનથી મારી નાખવાની ધમકી | 2026-06-12 18:09:58
સરકારનો મોટો નિર્ણય, આ ગ્રાહકો હવે પેટ્રોલ પંપ પરથી પેટ્રોલ અને ડીઝલ મેળવી શકશે નહીં | 2026-06-12 09:13:31
યુએસ મિસાઇલ હુમલામાં હિમાચલના આદિત્ય શર્માનું મોત, જહાજ પર કેડેટ તરીકે ફરજ બજાવતા હતા | 2026-06-11 20:56:07
મણિપુરમાં નાગા સમુદાયના છ મૃતદેહો મળી આવતાં હડકંપ, ઇમ્ફાલમાં ફરી હિંસા ભડકી | 2026-06-11 08:50:34
ઉજ્જવલા યોજનાના નિયમો બદલાયા, 10 કરોડ પરિવારોને ઝટકો, LPG અંગે સરકારનો મોટો નિર્ણય | 2026-06-09 13:03:24
બનાસકાંઠાઃ લાખણીના કૂવાણા ગામે જેતડા-દિયોદર હાઈવે પર ધોળા દિવસે સનસનાટીભરી હત્યા | 2026-06-12 18:03:39
Copyright © 2026 Gujarat Post News.
Whatsapp
