Fri,18 June 2021,1:51 am
Print
header

પેટ્રોલ-ડીઝલના ભાવ વધતાં રાહુલ ગાંધીએ કહ્યું ચૂંટણી પૂર્ણ, લૂંટ ફરી શરૂ થઇ

નવી દિલ્હી: સતત ત્રીજા દિવસે દેશમાં પેટ્રોલ-ડીઝલના ભાવ (Petrol-Diesel Price Today)માં વધારો થયો છે. ફરીથી પેટ્રોલ અને ડીઝલના ભાવ વધતા જનતા પર ફરીથી ભારણ વધવાનું શરૂ થઈ ગયું છે. સરકારી ઓઈલ કંપનીઓએ (Government oil companies) આજે પણ ફ્યૂઅલ પ્રાઇઝ (Fuel Price)માં વધારો કર્યો છે. કંપનીઓએ વધારો કર્યાં બાદ દેશના અનેક શહેરોમાં પેટ્રોલનો ભાવ (Petrol Price Today) 100 રૂપિયા પ્રતિ લિટરની નજીક પહોંચી ગયો છે.ગુરુવારે રાજધાની દિલ્હીમાં પેટ્રોલ 90.99 રૂપિયા પ્રતિ લિટર પર પહોંચી ગયું છે.બીજી તરફ ડીઝલ (Diesel Price Today)નો ભાવ 81.42 રૂપિયા પ્રતિ લિટર પર પહોંચ્યો છે.

સતત ત્રીજા દિવસે પેટ્રોલના ભાવ વધતાં કોંગ્રેસ નેતા રાહુલ ગાંધીએ કટાક્ષ કર્યો છે. રાહુલ ગાંધીએ ટ્વિટર પર લખ્યું કે ચૂંટણી પૂર્ણ, લૂંટ ફરીથી શરૂ. રાહુલ ગાંધીએ કહ્યું કે જ્યાં સુધી પાંચ રાજ્યોમાં ચૂંટણીઓ ચાલી રહી હતી ત્યાં સુધી પેટ્રોલ-ડીઝલના ભાવ વધારવામાં ન આવ્યાં. હવે ચૂંટણી પૂર્ણ થઈ ગયા બાદ પેટ્રોલ-ડીઝલના ભાવમાં વધારો કરવામાં આવી રહ્યો છે 2 મેના રોજ પાંચ રાજ્યની વિધાનસભા ચૂંટણીના પરિણામ આવી ગયા બાદ સતત ત્રીજા દિવસે પેટ્રોલ-ડીઝલના ભાવમાં વધારો કરવામાં આવ્યો છે. જેને કારણે વિપક્ષ સરકાર અને ઓઈલ કંપનીઓ પર પ્રહાર કરી રહ્યું છે.

આંતરરાષ્ટ્રીય બજારમાં કાચા તેલના ભાવ વધવાનો સિલસિલો ચાલુ જ છે. ગત મંગળવારે કાચા તેલના ભાવ સાત અઠવાડિયાની ટોચ પર હતાં. પરંતુ કેટલાક રાજ્યમાં વિધાનસભા ચૂંટણી ચાલતી હોવાથી કાચા તેલના ભાવ વધ્યા હોવા છતાં પેટ્રોલ-ડીઝલના ભાવમાં વધારો કરાયો નહતો. દરમિયાન પેટ્રોલ 77 પૈસા અને ડીઝલ 74 પૈસા સસ્તું થયું હતું. જો કે હવે ચૂંટણી પ્રક્રિયા પૂર્ણ થઈ જતાં ત્રણ દિવસમાં પેટ્રોલ 62 પૈસા અને ડીઝલ 69 પૈસા મોંઘું થઈ ગયું છે.

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર

https://www.gujaratpost.in/news/listing/Gu

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch

-->