Wed,10 August 2022,6:49 am
Print
header

મુંદ્રા પોર્ટ પરથી સતત ડ્રગ્સ ઝડપાતા રાહુલ ગાંધીએ ભાજપ સરકાર પર સાધ્યું નિશાન- Gujaratpost

નવી દિલ્હીઃ ગુજરાત દારૂ-ડ્રગ્સનું હબ બની ગયું છે. જેને કારણે હવે ભાજપ સરકાર વિરોધ પક્ષોના નિશાના પર આવી ગઇ છે. કૉંગ્રેસના પૂર્વ અધ્યક્ષ રાહુલ ગાંધીએ ટ્વિટ કરીને ડ્રગ્સ મુદ્દે ભાજપ સરકારને આડે હાથ લીધી છે. કૉંગ્રેસ નેતા રાહુલ ગાંધીએ સવાલ કર્યો છે કે, ડબલ એન્જિન સરકારમાં કયા લોકો છે, જે ગુજરાતમાં ડ્રગ્સ માફિયાઓ અને દારૂ માફિયાઓને સંરક્ષણ આપી રહ્યાં છે. તેમણે એમ પણ કહ્યું કે, ગુજરાતમાં કાયદો વ્યવસ્થા છે કે પછી માત્ર માફિયા સરકાર જ છે.

રાહુલ ગાંધીએ ટ્વિટ કર્યું કે, ગુજરાતના મુન્દ્રા બંદરેથી ડ્રગ્સ ઝડપાયું

Sep 21  3000 કિગ્રા ₹21000 કરોડ
May 22   56 કિગ્રા ₹500 કરોડ
July 22    75 કિગ્રા ₹375 કરોડ

ડબલ એન્જિનવાળી સરકારમાં બેઠેલા લોકો કોણ છે જેઓ ડ્રગ-દારૂ માફિયાઓને સતત સંરક્ષણ આપી રહ્યાં છે ? ગુજરાતના યુવાનોને ડ્રગ્સ તરફ કેમ મજબૂર કરવામાં આવે છે ?

મારા સવાલ

1. એક જ પોર્ટ પર 3 વખત ડ્રગ્સ ઝડપાયું છે, છતાં એક જ બંદર પર ડ્રગ્સ સતત કેવી રીતે ઉતરી રહ્યું છે ?

2. શું ગુજરાતમાં કાયદો અને વ્યવસ્થા ખતમ છે ? માફિયાઓને કાયદાનો ડર નથી ? કે આ માફિયા સરકાર છે ?

ગુજરાતમાં ગત મહિને કચ્છ જિલ્લાના મુન્દ્રા પોર્ટ પાસે એક કન્ટેનરમાંથી લગભગ 75.3 કિલો હેરોઈન જપ્ત કરાયું હતું, જેની કિંમત 376.5 કરોડ રૂપિયા હોવાનું અનુમાન છે. ડીઆરઆઈએ ગત વર્ષે સપ્ટેમ્બરમાં મુન્દ્રા પોર્ટ પર બે કન્ટેનરમાંથી લગભગ 3000 કિલો હેરોઈન જપ્ત કર્યું હતુ.આ ડ્રગ્સ  અફઘાનિસ્તાનથી આવ્યુ હતું અને આંતરરાષ્ટ્રીય માર્કેટમાં તેની કિંમત લગભગ 21 હજાર કરોડ રૂપિયા હોવાનું કહેવાય છે. ત્યાર પછી પણ ગુજકાતમાં અનેક વખત ડ્રગ્સ ઝડપાયું છે.

https://www.gujaratpost.in પર સૌથી ઝડપી સમાચાર 

ગુજરાતના અન્ય લેટેસ્ટ સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch