Mon,26 October 2020,1:41 am
Print
header

રાફેલ બનાવનારી કંપની દસો એવિએશને હજુ સુધી નથી કર્યું ઓફસેટ નિયમોનું પાલન: CAG

નવી દિલ્હીઃ રાફેલ યુદ્ધ વિમાનના સોદામાં ગેરરીતિ આચરવામાં આવી હોવાના આરોપને લઈને વિરોધ પક્ષ કોંગ્રેસ અનેક વખત કેન્દ્રની મોદી સરકારને ઘેરવાનો પ્રયાસ કરી ચુક્યો છે. સમગ્ર મુદ્દો સુપ્રીમ કોર્ટમાં પણ પહોચ્યો હતો. હવે CAGએ ડિફેંસ ઓફસેટ પર એક રિપોર્ટ જાહેર કર્યો છે. જેમાં ચાલાકી કરવામાં આવી હોવાનો ખુલાસો કરવામાં આવ્યો છે. 

આ રિપોર્ટમાં જણાવવામાં આવ્યું છે કે, 36 રાફેલ યુદ્ધ વિમાનોના સોદાના ઓફસેટ કોન્ટ્રાક્ટની શરૂઆતમાં પ્રસ્તાવ હતો કે, ડીઆરડીઓને હાઈ ટેક્નોલોજી આપીને વેંડર પોતાનો 30 ટકા ઓફસેટ પુરો કરશે.  પરંતુ હજી સુધી ટેક્નોલોજી ટ્રાંસફર સુનિશ્ચિત નથી થઈ શકી.ડીઆરડીઓને આ ટેક્નોલોજી સ્વદેશી તેજસ લાઈટ કોમ્બેટ એરક્રાફ્ટ માટે એંજિન (કાવેરી) વિકસાવવા માટે જોઈતી હતી. પરંતુ હજી સુધી વેંડરે ટ્રાંફર ઓફ ટેક્નોલોજી નક્કી નથી કરી.

CAG એ પોતાના રિપોર્ટમાં કહ્યું છે કે, ઓફસેટ પોલિસીથી ધાર્યા પરિણામો નથી મળી રહ્યાં માટે મંત્રાલયે પોલિસી અને તેને લાગુ કરવાની રીતની સમીક્ષા કરવાની જરૂર છે. જ્યાં પણ મુશ્કેલી આવી રહી છે તેની ઓળખ કરીને તેનું સમાધાન શોધવાની પણ તાતી જરૂરિયાત છે.

ફ્રાંસની ડેસોલ્ટ પાસેથી ભારતે કુલ 36 રાફેલ યુદ્ધ વિમાનો ખરીદવાનો સોદો નક્કી કર્યો હતો. આ સોદામાં ગેરરીતિ આચરવામાં આવી હોવાના કોંગ્રેસે આરોપ લગાવ્યા હતાં. પરંતુ તેમાં કંઈ ખાસ નીકળ્યુ નહોતુ. હવે કોમ્પટોરલ જનરલે એટલે કે CAGએ પોતાનો વાર્ષિક રિપોર્ટ સંસદમાં મુક્યો છે. જેમાં કેગે રાફેલને લઈને કહ્યું છે કે, એવો કોઈ કેસ જણાયો નથી જેમાં કોઈ વિદેશી વેંડર મોટી ટેક્નોલોજી ભારતને આપી રહ્યો હોય. 29 જુલાઈએ ભારતને 5 રાફેલ મળી ગયા છે. ફ્રાંસ સાથે 36 રાફેલ વિમાનો માટે ભારતે 59 હજાર કરોડ રૂપિયાનો સોદો કર્યો હતો. ભારતની ઓફસેટ પોલિસી પ્રમાણે વિદેશી એંટિટીને કોન્ટ્રાક્ટનો 30 ટકા રિસર્ચ કે ઉપકરણો પરનો ખર્ચ ભારતમાં જ કરવાનો હોય છે. આ નિયમ 300 કરોડથી વધારેના દરેક ઈમ્પોર્ટ પર લાગુ થાય છે.

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch

-->