બોગોટાઃ પશ્ચિમ કોલંબિયામાં આવેલા 7.4 ની તીવ્રતાના શક્તિશાળી ભૂકંપમાં મૃત્યુઆંક વધીને 130 પર પહોંચી ગયો છે. રાષ્ટ્રપતિ એબેલાર્ડો ડે લા એસ્પ્રીલાએ જણાવ્યું કે કુદરતી આફતમાં ઘણી ઇમારતોને નુકસાન થયું છે અને 570 થી વધુ લોકો ઘાયલ થયા છે.
સોમવારે રાજધાની બોગોટાથી લગભગ 400 કિલોમીટર પશ્ચિમમાં સ્થિત ચોકો પ્રદેશ અને સાન જોસ ડેલ પાલ્મર નજીક વિનાશક ભૂકંપ આવ્યો હતો. યુએસ ભૂસ્તરશાસ્ત્રીય સર્વે (યુએસજીએસ) અનુસાર, ભૂકંપ જમીનથી આશરે 107 કિલોમીટર નીચે ઊંડાઈએ હતો અને તેની તીવ્રતા 7.4 હતી.
પરિસ્થિતિની ગંભીરતાને ધ્યાનમાં રાખીને, રાષ્ટ્રપતિ ડે લા એસ્પ્રિએલાએ અસરગ્રસ્ત વિસ્તારોમાં રાહત અને બચાવ કામગીરી માટે તાત્કાલિક ભંડોળ જાહેર કરવા માટે કટોકટીની સ્થિતિ જાહેર કરી છે અને તેઓ વ્યક્તિગત રીતે અસરગ્રસ્ત વિસ્તારોની મુલાકાત લેવાના છે.
ચોકો, રિસારાલ્ડા, વાલે ડેલ કાકા અને કેલ્ડાસ સહિત અનેક અસરગ્રસ્ત વિસ્તારોમાં બચાવ અને રાહત કામગીરી ઝડપથી ચાલી રહી છે. લોકો હજુ પણ તેમની ક્ષતિગ્રસ્ત ઇમારતો અને ઘરો તૂટી પડવાના ભયને કારણે બહાર રહેવા માટે મજબૂર છે. કટોકટી ટીમો પરિસ્થિતિ પર સતત નજર રાખી રહી છે.
મીડિયા અહેવાલો અનુસાર, શક્તિશાળી ભૂકંપે કોલંબિયાના ઘણા પડોશી દેશો, જેમાં ઇક્વાડોર, વેનેઝુએલા અને પનામામાં પણ અસર થઇ છે. જોકે કોલંબિયાની બહાર કોઈ મોટું નુકસાન થયું નથી.
કોલંબિયા ભૂગર્ભીય સેવા અનુસાર, છેલ્લા 10 વર્ષમાં દેશમાં આવેલો આ સૌથી શક્તિશાળી ભૂકંપ છે. મુખ્ય ભૂકંપ પછી બે આફ્ટરશોક (2.8 અને 4.8 ની તીવ્રતા) પણ નોંધાયા હતા.
નોંધનીય છે કે કોલંબિયાનો ચોકો પ્રદેશ ખૂબ જ દૂરસ્થ અને ગરીબ માનવામાં આવે છે. નબળા રસ્તાઓ, મર્યાદિત માળખાગત સુવિધાઓ અને મુશ્કેલ ભૂપ્રદેશને કારણે રાહત અને બચાવ કામગીરીમાં નોંધપાત્ર અવરોધ આવ્યો છે.
ભૂકંપ અંગે સરકારે રાષ્ટ્રીય આપત્તિ જાહેર કરી છે. રાષ્ટ્રપતિ એબેલાર્ડો ડે લા એસ્પ્રિએલા રાજધાની બોગોટા પરત ફર્યા છે. તેમણે જણાવ્યું હતું કે સરકાર અસરગ્રસ્ત વિસ્તારોમાં લોકોને બચાવવા અને મદદ કરવા માટે તમામ શક્ય પગલાં લેશે.
ટ્રમ્પનું ફરી ગયું છે... રશિયા પાસેથી ક્રૂડ ઓઇલ ખરીદનારા ભારત સહિતના દેશો પર અમેરિકા 100 ટકા ટેરિફ લાદવાની તૈયારીમાં | 2026-09-16 09:31:06
બિહારના ભાજપ નેતાનો દાવો, અભિનેતા સુશાંત સિંહ રાજપૂતની હત્યા થઇ હતી, દિશા સલિયાનની હત્યા પણ આ જ બનાવ સાથે જોડાયેલી | 2026-09-16 09:18:27
FACT CHECK: BRICS સમિટમાં વિશ્વના નેતાઓ સાથે PM મોદીનો આ સેલ્ફી ફોટો AI જનરેટેડ છે | 2026-09-15 14:40:35
કચ્છ જિલ્લામાં બે દિવસથી મુશળધાર વરસાદ, માંડવી તાલુકામાં 6 કલાકમાં લગભગ 7 ઇંચ વરસાદ નોંધાયો | 2026-09-15 14:18:01
મામલતદાર તો ક્યારેક IT ઓફિસર બનતો ગઠિયો હવે શ્રમ વિભાગના નામે તોડ કરવા જતાં જેલભેગો થયો | 2026-09-14 17:20:01
ઇન્ડોનેશિયા: જાવા સમુદ્રમાં 240 લોકોને લઈને જતું જહાજ ગુમ, સંપર્ક તૂટ્યાં બાદ ચિંતા વધી | 2026-09-13 10:10:02
BRICS સમિટનું સંયુક્ત ઘોષણાપત્ર જાહેર: એક તરફી ટેરિફ અને વેપાર પ્રતિબંધોની આકરી ટીકા કરાઇ | 2026-09-12 18:00:11
BRICS ની શક્તિશાળી તસવીર: PM મોદી, પુતિન અને જિનપિંગ એક સાથે જોવા મળ્યાં | 2026-09-12 17:33:26
શી જિનપિંગ ભારતની મુલાકાતે, BRICS માં પીએમ મોદી સાથે મહત્વની બેઠક | 2026-09-12 09:12:08
મેઘરાજાની તોફાની બેટિંગ: સાંજે 4 વાગ્યા સુધીમાં રાજ્યના 240 તાલુકાઓમાં વરસાદ | 2026-09-14 17:11:19
સુરેન્દ્રનગર- રાજકોટમાં વરસાદની આગાહી, અમદાવાદ સહિત 14 જિલ્લાઓમાં ઓરેન્જ એલર્ટ | 2026-09-14 17:00:17
Copyright © 2026 Gujarat Post News.
Whatsapp
