અમેરિકાના તમામ રાજ્યોના લોકો ટ્રમ્પ વિરુદ્ધ રસ્તા પર ઉતર્યા, મોટા પાયે બળવાથી વ્હાઇટ હાઉસમાં પણ ભયનો માહોલ

વોશિંગ્ટન ડીસી: અમેરિકાના રાષ્ટ્રપતિ ડોનાલ્ડ ટ્રમ્પ પોતાના અનેક વિચિત્ર નિર્ણયો લેવાને કારણે ટીકાનો સામનો કરી રહ્યાં છે, દુનિયાભરમાં વેપાર અને ટેરિફ યુદ્ધ શરૂ કરી રહ્યાં છે. છેલ્લા બે દિવસથી અમેરિકાના વિવિધ શહેરોમાં ટ્રમ્પ વિરુદ્ધ જોરદાર વિરોધ પ્રદર્શનો થઈ રહ્યા છે. ટ્રમ્પની ઘણી નીતિઓનો વિરોધ કરવા માટે અમેરિકન જનતા રસ્તાઓ પર ઉતરી આવી છે. દેશભરમાં પ્રદર્શનકારીઓએ ટ્રમ્પ વહીવટ અને તેની નીતિઓ વિરુદ્ધ પોસ્ટરો, બેનરો અને સૂત્રોચ્ચાર સાથે પોતાનો અસંતોષ વ્યક્ત કર્યો છે.

અમેરિકાના 50 રાજ્યોમાં વિરોધ પ્રદર્શન

ગુડ ટ્રબલ લિવ્સ ઓન નામનું વિરોધ આંદોલન દેશના તમામ 50 રાજ્યોમાં પોતાની હાજરી દર્શાવી ચૂક્યું છે. ન્યૂયોર્કમાં વિરોધીઓ ઇમિગ્રેશન અને કસ્ટમ્સ એન્ફોર્સમેન્ટ (ICE) બિલ્ડિંગની નજીક વિરોધ પ્રદર્શન કરતા જોવા મળ્યાં છે. એક વિરોધ પ્રદર્શન દરમિયાન ટ્રમ્પ વહીવટીતંત્ર વિરુદ્ધ ગુડ ટ્રબલ લિવ્સ ઓન રાષ્ટ્રીય વિરોધ દિવસના ભાગ રૂપે પ્રદર્શનકારીઓ ઇમિગ્રેશન કોર્ટની બહાર ભેગા થયા હતા.

ઇમિગ્રેશન બિલ્ડિંગની બહાર પણ ધરણા

એક વીડિયોમાં ટ્રમ્પ વિરોધી અને ઇમિગ્રેશન વિરોધી (ICE) વિરોધીઓ ન્યૂયોર્ક સિટીના મેનહટનમાં ફેડરલ પ્લાઝા ખાતે ICE બિલ્ડિંગની બહાર  ધરણા પર બેઠા હતા અને રસ્તો બ્લોક કર્યો હતો.

1600 સ્થળોએ વિરોધ પ્રદર્શન થયા

ટ્રમ્પ વિરુદ્ધ આ વિરોધ એટલાન્ટા (જ્યોર્જિયા), સેન્ટ લુઇસ (મિઝોરી), ઓકલેન્ડ (કેલિફોર્નિયા) અને અન્નાપોલિસ (મેરીલેન્ડ) સહિત લગભગ 1600 સ્થળોએ થયો હતો. આમાં ટ્રમ્પ વહીવટીતંત્રના આરોગ્ય સંભાળ કાપ, ઇમિગ્રેશન નીતિઓ અને અન્ય નિર્ણયોનો વિરોધ કરવામાં આવ્યો હતો. તેમનો હેતુ સ્વર્ગસ્થ કોંગ્રેસમેન અને નાગરિક અધિકાર નેતા જોન લુઈસને શ્રદ્ધાંજલિ આપવાનો પણ હતો.

ગુડ ટ્રબલ આંદોલન શું છે ?

ગુડ ટ્રબલ આંદોલનનું નામ 2020 માં તેમના મૃત્યુ પહેલાં અમેરિકન નાગરિકોને જોન લુઈસની પ્રખ્યાત અપીલ પરથી રાખવામાં આવ્યું છે. તેમણે કહ્યું હતું કે, સારી મુશ્કેલીમાં પડો, જરૂરી મુશ્કેલીમાં પડો અને અમેરિકાના આત્માને બચાવો. જોન લુઈસ બિગ સિક્સ નામના નાગરિક અધિકાર કાર્યકરોના જૂથના છેલ્લા જીવિત સભ્ય હતા, જેનું નેતૃત્વ ડૉ. માર્ટિન લ્યુથર કિંગ જુનિયર કરી રહ્યાં હતા. લુઈસે હંમેશા અહિંસક આંદોલન અને ન્યાય માટેની લડાઈને ટેકો આપ્યો હતો અને આ ચળવળ તેમના વિચારોના વારસાને આગળ ધપાવે છે.

વિરોધીઓનું શું કહેવું છે ?

પબ્લિક સિટીઝનના સહ-પ્રમુખ લિસા ગિલ્બર્ટે વિરોધ પ્રદર્શન પહેલાં કહ્યું, આપણે આપણા દેશના ઇતિહાસની સૌથી ભયાનક ક્ષણોમાંથી પસાર થઈ રહ્યા છીએ. આપણે બધા વહીવટમાં વધતી જતી સરમુખત્યારશાહી અને અરાજકતા સામે સંઘર્ષ કરી રહ્યાં છીએ. જ્યારે આપણા લોકશાહીના અધિકારો, સ્વતંત્રતાઓ અને અપેક્ષાઓને પડકારવામાં આવી રહ્યો છે. આ રાષ્ટ્રીય આંદોલનનો હેતુ ટ્રમ્પ વહીવટીતંત્રની તે નીતિઓ અને કાર્યો સામે અવાજ ઉઠાવવાનો છે. જેને ઘણા નાગરિકો માનવ અધિકારોનું ઉલ્લંઘન અને લોકશાહી મૂલ્યો માટે ખતરો માને છે.

This is more than a protest; it’s a moral reckoning. We took to the streets in DC today to speak out against the Trump administration, because as Rep. John Lewis taught us, progress will come, but it will not come on its own! #GoodTroubleLivesOn pic.twitter.com/8ojV72HSNp

— SEIU (@SEIU) July 18, 2025

Android મોબાઇલ માટેઃ https://play.google.com/store/apps/details?id=com.gujaratpost.app

iOS મોબાઇલ માટેઃ https://apps.apple.com/in/app/gujarat-post/id6475000526+++