હવે અમેરિકામાં પાકિસ્તાનીઓની નો એન્ટ્રી, આ યાદીમાં 43 દેશોનાં નામ

વોશિંગ્ટન ડીસી: રાષ્ટ્રપતિ ડોનાલ્ડ ટ્રમ્પ પાકિસ્તાનીઓના અમેરિકામાં પ્રવેશ પર પ્રતિબંધ લગાવશે. ન્યૂયોર્ક ટાઈમ્સના સમાચાર મુજબ હવે પાકિસ્તાનના લોકોને અમેરિકાના વિઝા આપવામાં આવશે નહીં. ટ્રમ્પે 43 દેશો પર આવો પ્રતિબંધ લગાવવાની તૈયારીઓ કરી લીધી છે. રેડ લિસ્ટમાં 11 દેશો, ઓરેન્જ લિસ્ટમાં 10 દેશો અને યલો લિસ્ટમાં 22 દેશો હશે. આમ, ટ્રમ્પે નવા પ્રવાસ પ્રતિબંધ માટે ડ્રાફ્ટ લિસ્ટમાં 43 દેશોને નિશાન બનાવ્યાં છે.

ટ્રમ્પ વહીવટીતંત્રમાં પ્રસારિત કરાયેલા ડ્રાફ્ટમાં ત્રણ સ્તરના દેશોની યાદી આપવામાં આવી છે, જેમના નાગરિકોને યુનાઇટેડ સ્ટેટ્સમાં પ્રવેશવા પર પ્રતિબંધોનો સામનો કરવો પડી શકે છે. આ બાબતથી વાકેફ અધિકારીઓના જણાવ્યાં અનુસાર, ટ્રમ્પ વહીવટીતંત્ર યુનાઇટેડ સ્ટેટ્સની મુસાફરી પરના નવા પ્રતિબંધ હેઠળ 43 દેશોના નાગરિકોને નિશાન બનાવવાનું વિચારી રહ્યું છે. જે રાષ્ટ્રપતિ ટ્રમ્પના પ્રથમ કાર્યકાળ દરમિયાન લાદવામાં આવેલા પ્રતિબંધો કરતાં વધુ વ્યાપક હશે.

આ શરતો લાગુ થશે

રાજદ્વારી અને સુરક્ષા અધિકારીઓ દ્વારા તૈયાર કરાયેલી ભલામણોની ડ્રાફ્ટ યાદીમાં 11 દેશોની રેડ યાદી સૂચવવામાં આવી છે, જેના નાગરિકોને અમેરિકામાં પ્રવેશવા પર સંપૂર્ણ રીતે રોક લગાવવામાં આવશે. જ્યારે ઓરેન્જ લિસ્ટ દેશોના માત્ર ધનિક અને બિઝનેસ લોકોને જ શરતો સાથે પ્રવેશ આપવામાં આવશે. યેલો યાદીમાં સમાવિષ્ટ દેશોને જ મુસાફરી કરવાની મંજૂરી આપવામાં આવશે. જ્યારે તે દેશ 60 દિવસમાં અમેરિકન ચિંતાઓનું નિરાકરણ લાવે છે.

રેડ દેશોની યાદી

અધિકારીઓએ જણાવ્યું કે રેડ યાદીમાં સામેલ દેશોમાં અફઘાનિસ્તાન, ભૂતાન, ક્યુબા, ઈરાન, લિબિયા, ઉત્તર કોરિયા, સોમાલિયા, સુદાન, સીરિયા, વેનેઝુએલા અને યમન છે. સૂચિત મુસાફરી પ્રતિબંધવાળા દેશોની ડ્રાફ્ટ સૂચિ ટ્રમ્પ વહીવટીતંત્રના આંતરિક પ્રસ્તાવમાં નિર્ધારિત કરવામાં આવી છે. જેમના નાગરિકોને યુએસમાં પ્રવેશ પર પ્રતિબંધનો સામનો કરવો પડી શકે છે. કેટલાક દેશોના અંતિમ ક્રમમાં ફેરફાર થઈ શકે છે.

ઓરેન્જ દેશોની યાદી

ડ્રાફ્ટ લિસ્ટમાં 10 દેશોને ઓરેન્જ લિસ્ટમાં રાખવામાં આવ્યા છે. આ દેશોના નાગરિકોને વિઝા આપવામાં આવશે નહીં. જેમાં પાકિસ્તાન, બેલારુસ, એરીટ્રિયા, હૈતી, લાઓસ, મ્યાનમાર, રશિયા, સિએરા લિયોન, દક્ષિણ સુદાન અને તુર્કમેનિસ્તાનનો સમાવેશ થાય છે.. આ દેશોના ધનિક અને બિઝનેસ ક્લાસના લોકોને શરતો સાથે અમેરિકા આવવાની મંજૂરી આપવામાં આવશે. અન્ય કોઈપણ પ્રકારના વિઝા આપવામાં આવશે નહીં.

યલો દેશોની યાદી

જેમાં 22 દેશોનો સમાવેશ થાય છે. અંગોલા, એન્ટિગુઆ અને બાર્બુડા, બેનિન, બુર્કિના ફાસો, કંબોડિયા, કેમેરૂન, કેપ વર્ડે, ચાડ, કોંગો પ્રજાસત્તાક, કોંગો લોકશાહી પ્રજાસત્તાક, ડોમિનિકા, વિષુવવૃત્તીય ગિની, ગામ્બિયા, લાઇબેરિયા, માલાવી, માલી, મોરિટાનિયા, સેન્ટ કિટ્સ અને નેવિસ સેન્ટ લુસિયા, વેનેસ લુસિયા અને સેન્ટ લુસિયા, ઝિમ્બાબ્વેનો સમાવેશ થાય છે. આ દેશોના લોકોને પ્રવેશની મંજૂરી આપવામાં આવશે જો તેઓ 60 દિવસની અંદર યુએસની ચિંતાઓનું નિરાકરણ લાવે.

યાદી કેમ તૈયાર કરવામાં આવી ? 

અધિકારીઓએ જણાવ્યું કે સ્ટેટ ડિપાર્ટમેન્ટ દ્વારા કેટલાંક અઠવાડિયા પહેલા આ યાદી તૈયાર કરવામાં આવી હતી અને તે વ્હાઇટ હાઉસ પહોંચે ત્યાં સુધીમાં તેમાં ફેરફાર થવાની શક્યતા છે.દૂતાવાસ અને રાજ્ય વિભાગના પ્રાદેશિક બ્યુરોના અધિકારીઓ અને અન્ય વિભાગો અને ગુપ્તચર એજન્સીઓના સુરક્ષા નિષ્ણાતો આ ડ્રાફ્ટની સમીક્ષા કરી રહ્યાં છે. આંતરિક સુરક્ષા અને અન્ય કેટલાક કારણોસર આ કાર્યવાહી કરવામાં આવી રહી છે.

Android મોબાઇલ માટેઃ https://play.google.com/store/apps/details?id=com.gujaratpost.app

iOS મોબાઇલ માટેઃ https://apps.apple.com/in/app/gujarat-post/id6475000526+++