ઉત્તર પ્રદેશઃ ગ્રેટર નોઈડામાં એક્સપ્રેસવે પર એક મોટો અકસ્માત થયો છે. એક સ્લીપર બસમાં આગ લાગતા 9 લોકોના મોત થયા છે. અકસ્માત થયો ત્યારે બસમાં 35 લોકો સવાર હતા, જેમાંથી ઘણા લોકો આગમાં ગંભીર રીતે દાઝી ગયા હતા. ફાયર ફાઇટરને જાણ થતા ટીમ ઘટના સ્થળે પહોંચીને બસમાં લાગેલી આગને કાબૂમાં લીધી હતી. આ ડબલ ડેકર બસ નોઇડાથી આગ્રા જઈ રહી હતી.
યમુના એક્સપ્રેસ વે પર મુસાફરી કરતી એક ટુરિસ્ટ બસમાં અચાનક આગ લાગી હતી. નોઇડાથી લગભગ 34 કિલોમીટર દૂર જેવર કાર્ગો એરપોર્ટ નજીક આગ લાગી હતી. સળગતી બસનો ભયાનક વીડિયો પણ સામે આવ્યો છે. બસમાં આગ લાગતાની સાથે જ મુસાફરોમાં ગભરાટ ફેલાઈ ગયો. પરિસ્થિતિ એવી હતી કે મુસાફરોએ પોતાનો જીવ બચાવવા માટે સમયસર બસમાંથી કૂદી પડ્યા. થોડી જ વારમાં આગે આખી બસને ઝપેટમાં લઈ લીધી હતી.
#WATCH | Greater Noida, UP | A passenger bus caught fire on the Yamuna Expressway. More details awaited. https://t.co/6diWQ3dUcP
— ANI (@ANI) September 23, 2026
મુખ્યમંત્રી કાર્યાલય દ્વારા આપવામાં આવેલી માહિતી અનુસાર, ઉત્તર પ્રદેશના મુખ્યમંત્રી યોગી આદિત્યનાથે ગ્રેટર નોઈડામાં થયેલા માર્ગ અકસ્માતની નોંધ લીધી છે. મુખ્યમંત્રીએ મૃતકોના પરિવારો પ્રત્યે સંવેદના વ્યક્ત કરી છે. યોગીએ અધિકારીઓને ઘાયલો માટે યોગ્ય સારવારની વ્યવસ્થા કરવા નિર્દેશ આપ્યો છે અને મૃતકોના પરિવારો સાથે વાત કરી છે અને તેમને શક્ય એટલી બધી સહાય પૂરી પાડવા સૂચના આપી છે. મુખ્યમંત્રીએ ઘાયલોને ઝડપથી સ્વસ્થ થવાની કામના કરી છે.
મુખ્યમંત્રીએ વળતરની જાહેરાત કરી
મુખ્યમંત્રી યોગીએ ગ્રેટર નોઈડા બસ અકસ્માત માટે વળતરની પણ જાહેરાત કરી છે. મૃતકોના પરિવારજનોને 2 લાખ રૂપિયા અને ઘાયલોને 50,000 રૂપિયાની આર્થિક સહાયની જાહેરાત કરી છે. પોલીસ અને બચાવ ટીમોએ બસ અકસ્માતમાં 30 લોકોને સુરક્ષિત રીતે બચાવ્યાં છે.
પીએમ મોદીએ શોક વ્યક્ત કર્યો, વળતરની જાહેરાત કરી
પીએમ નરેન્દ્ર મોદીએ ગ્રેટર નોઈડામાં થયેલા અકસ્માત પર શોક વ્યક્ત કર્યો છે. પીએમ મોદીએ કહ્યું કે ગ્રેટર નોઈડામાં બસમાં આગની ઘટનામાં થયેલા મૃત્યુ વિશે સાંભળીને મને ખૂબ દુઃખ થયું છે. આ અકસ્માતમાં પોતાના પ્રિયજનો ગુમાવનારાઓ પ્રત્યે મારી સંવેદના. હું ઘાયલોના ઝડપથી સ્વસ્થ થવાની કામના કરું છું. મૃતકોના પરિવારોને પીએમએનઆરએફ તરફથી 2 લાખ રૂપિયાની સહાય આપવામાં આવશે. ઘાયલોને 50,000 રૂપિયાની સહાય આપવામાં આવશે.
ACB ટ્રેપઃ ઉનામાં પથ્થરોથી ભરેલું ટ્રેક્ટર નહીં રોકવા અને હેરાનગતિ નહીં કરવા રૂપિયા 2000 ની લાંચ લેતા વચેટિયો ઝડપાયો, હેડ કોન્સ્ટેબલ ફરાર | 2026-10-16 21:28:59
કનોટ પ્લેસમાં પ્રદર્શન પહેલાં જ અભિજીત દીપકેની અટકાયત, નેહા બોરાને પણ કસ્ટડીમાં લેવાયા | 2026-10-16 18:55:47
આપના ધારાસભ્ય ચૈતર વસાવાને હાઇકોર્ટે એક દિવસના હંગામી જામીન આપ્યાં, નાના ભાઈએ ઝેરી દવા પી લેતા હોસ્પિટલમાં દાખલ કરાયા છે | 2026-10-16 18:25:12
અમરેલીઃ જાફરાબાદમાં 4 સગીરાઓ સાથે યૌન શોષણનો સનસનીખેજ બનાવ, નરાધમ શિક્ષક ઝડપાયો | 2026-10-16 09:49:21
દિલ્હીમાં CJP ની લહેરાદો તિરંગાના એલાનથી કનોટ પ્લેસ છાવણીમાં ફેરવાયું, દિપકેની સાંજે અટકાયત કરાઇ | 2026-10-16 09:40:17
મેરઠ બ્લુ ડ્રમ હત્યાકાંડ: પતિના પાંચ ટુકડા કરનારી પત્ની મુસ્કાન અને પ્રેમી સાહિલને કોર્ટે ફટકારી ફાંસીની સજા | 2026-10-14 18:00:46
Video: દેશને કેમ બરબાદ કરી રહ્યાં છો ભાઈ ? અભિજીત દીપકેનો દિલ્હી એરપોર્ટ પર વિરોધ | 2026-10-14 17:52:07
ઉત્તર પ્રદેશના પીલીભીતમાં રામલીલા મેળામાં અંધાધૂંધ ગોળીબાર, ત્રણ લોકોનાં મોત | 2026-10-13 08:56:11
Copyright © 2026 Gujarat Post News.
Whatsapp
