Fri,30 September 2022,3:02 pm
Print
header

કેરળ અને તમિલનાડુમાં NIAએ કરી મોટી કાર્યવાહી, 100 જગ્યાઓએ દરોડા- Gujarat Post

(file photo)

100 જગ્યાએ ચાલી રહ્યાં છે NIAના દરોડા 

NIA સંગઠન સાથે જોડાયેલા PFI નેતાઓ અને ઓફિસોમાં સર્ચ

અગાઉ NIAએ તેલંગાણા અને આંધ્રપ્રદેશમાં પાડ્યા હતા દરોડા 

NIA Raid: કેરળ અને તમિલનાડુમાં NIAએ મોટી કાર્યવાહી કરી છે. NIAએ કેરળમાં 50 સ્થળો પર દરોડા પાડ્યા છે. આજે સવારથી આ કાર્યવાહી ચાલી રહી છે. PFI ટેરર મોડ્યુલને લઈને NIAના નિશાના પર છે. NIA ટેરર મોડ્યુલની તપાસ કરી રહી છે. પીએફઆઈના નેતાઓ અને આ સંગઠન સાથે સંકળાયેલી ઓફિસની શોધખોળ ચાલુ છે. NIAએ PFI ટેરર મોડ્યુલને લઈને કેરળમાં મોટી કાર્યવાહી કરી છે.કેરળમાં આજે સવારથી લગભગ 100 સ્થળોએ NIAના દરોડા ચાલુ છે. NIA PFIના નેતાઓ અને આ સંગઠન સાથે સંકળાયેલી ઓફિસની શોધ કરી રહી છે.

કેરળના તિરુવનંતપુરમાં NIA અને ED મધરાતથી PFI કેડર્સ ઘરો, OMA સલામ, PFI અધ્યક્ષના ઘર સહિત જિલ્લા સ્તરના નેતાઓ ઉપરાંત મંજેરી, મલપ્પુરમ જિલ્લામાં અને PFI કચેરીઓ પર દરોડા પાડીને સર્ચ કરી રહી છે.

અગાઉ, રાષ્ટ્રીય તપાસ એજન્સી (NIA) એ પોપ્યુલર ફ્રન્ટ ઓફ ઈન્ડિયા (PFI) વિરુદ્ધ કથિત રીતે આતંકવાદી કૃત્યો કરવા અને વિવિધ જૂથો વચ્ચે ધર્મના આધારે દુશ્મનાવટને પ્રોત્સાહન આપવા માટે તાલીમ શિબિરોનું આયોજન કરવા સંબંધિત કેસમાં તેલંગાણામાં 38 સ્થળોએ સર્ચ હાથ ધર્યું હતું.  

એનઆઈએના પ્રવક્તાએ જણાવ્યું કે, તેલંગાણામાં 38 સ્થળો અને આંધ્રપ્રદેશમાં બે સ્થળોએ કરાયેલી સર્ચ દરમિયાન ચાર લોકોને પૂછપરછ માટે કસ્ટડીમાં લેવામાં આવ્યાં હતા. અધિકારીએ જણાવ્યું ઓપરેશન દરમિયાન ડિજિટલ સાધનો, દસ્તાવેજો, બે ખંજર અને 8.31 લાખ રૂપિયાથી વધુ રોકડ સહિતની ગુનાહિત સામગ્રી જપ્ત કરવામાં આવી છે. NIA, ED દ્વારા 10 રાજ્યોમાં પીએફઆઈ કેડર્સ સામે વિવિધ રાજ્યોની પોલીસ દ્વારા કાર્યવાહી કરવામાં આવી છે.

આ કેસ શરૂઆતમાં 4 જુલાઈના રોજ તેલંગાણાના નિઝામાબાદ પોલીસ સ્ટેશનમાં નોંધવામાં આવ્યો હતો. પોલીસ દ્વારા તપાસ દરમિયાન ચાર આરોપીઓ-અબ્દુલ કાદર, શેખ સહદુલ્લાહ, મોહમ્મદ ઈમરાન અને મોહમ્મદ અબ્દુલ મોબીનની ધરપકડ કરવામાં આવી હતી બાદમાં NIAએ તપાસને આગળ વધારવા માટે 26 ઓગસ્ટના રોજ ફરીથી કેસ નોંધ્યો હતો,એમ પ્રવક્તાએ જણાવ્યું હતું. અધિકારીએ જણાવ્યું કે તેલંગાણામાં 38 સ્થળોએ દરોડા પાડવામાં આવ્યાં હતા, સૌથી વધુ દરોડા નિઝામાબાદમાં 23 પર કરવામાં આવ્યા હતા, જગત્યાલમાં સાત, હૈદરાબાદમાં ચાર, નિર્મલમાં બે અને આદિલાબાદ અને કરીમનગર જિલ્લામાં એક-એક જગ્યાએ દરોડા પાડવામાં આવ્યાં હતા. 

https://www.gujaratpost.in પર સૌથી ઝડપી સમાચાર 

ગુજરાતના અન્ય લેટેસ્ટ સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch