ગાંધીનગરઃ ગુજરાતના દરિયા કિનારેથી ATS અને કોસ્ટગાર્ડના સંયુક્ત ઓપરેશનમાં ઝડપાયેલા રૂ. 1180 કરોડની કિંમતના 118 કિલો કોકેઈન કેસમાં મોટો વળાંક આવ્યો છે. આ કેસની ગંભીરતા અને વિદેશી કનેક્શનને જોતા હવે દેશની સર્વોચ્ચ તપાસ સંસ્થા નેશનલ ઇન્વેસ્ટિગેશન એજન્સીએ તપાસનો દોર પોતાના હાથમાં લીધો છે. NIAની એન્ટ્રી સાથે જ હવે આ કેસ માત્ર સ્મગલિંગ પૂરતો સીમિત ન રહેતા આંતરરાષ્ટ્રીય નાર્કો ટેરર, વિદેશી ફંડિંગની દિશામાં આગળ વધ્યો છે.
તપાસ એજન્સીઓના જણાવ્યાં અનુસાર, ઓપરેશન દરમિયાન દરિયામાં ભારે સસ્પેન્સ જોવા મળ્યું હતું. ગુજરાત ATSએ દરિયામાંથી એક આરોપીને દબોચી લીધો હતો, પરંતુ અન્ય એક આરોપી એજન્સીને થાપ આપીને દરિયામાં કૂદી પડ્યો હતો અને ફરાર થઈ ગયો હતો. સૂત્રોના જણાવ્યાં મુજબ, આ ફરાર આરોપી પાસે આ ડ્રગ્સ નેટવર્કની સૌથી મહત્વની કડીઓ અને વિગતો હોવાની પૂરેપૂરી શક્યતા છે. આ ઉપરાંત, પકડાયેલા જથ્થામાંથી કેટલાક પેકેટ હજુ પણ ગુમ છે, જે દરિયામાં ફેંકી દીધું હોવાની આશંકા છે.
પ્રાથમિક તપાસમાં જે રૂટ સામે આવ્યો છે તે ચોંકાવનારો છે. કોકેઈનનો આ જથ્થો બ્રાઝીલથી લોડ કરવામાં આવ્યો હતો. ત્યાંથી લેટિન અમેરિકા, મેક્સિકો, અમેરિકા અને પાકિસ્તાનના કરાંચી થઈને આ ખેપ ગુજરાતના મુંદ્રા નજીક પહોંચી હતી. કાર્ગો શિપમાંથી આ જથ્થો નાની બોટમાં ટ્રાન્સફર કરીને વાયા ગુજરાત થઈ દિલ્હી પહોંચાડવાનો માસ્ટર પ્લાન હતો.
આ કેસના તાર છેક દેશની રાજધાની દિલ્હી સુધી જોડાયેલા છે. ગુજરાત ATSએ આ મામલે કાર્યવાહી કરીને દિલ્હીના દ્વારકા વિસ્તારમાં આશરો લઈ રહેલા બે વિદેશી નાગરિકોની ધરપકડ કરી છે. આંતરરાષ્ટ્રીય સ્મગલરોની સીધી સંડોવણીને કારણે કેસ વધુ પેચીદો બન્યો છે.
એજન્સીઓ માને છે કે 118 કિલો કોકેઈનની ખેપ પાછળ માત્ર 3- 4 લોકોનો હાથ હોઈ શકે નહીં. તેની પાછળ કોઈ ગ્લોબલ ડ્રગ્સ કાર્ટેલ (કંપની) કામ કરી રહી છે. NIA મુખ્યત્વે બ્રાઝીલથી ભારત સુધી આ સિન્ડિકેટ કોણ ઓપરેટ કરતું હતું ? આટલા મોટા જથ્થા માટે કરોડો રૂપિયાનું ફંડિંગ ક્યાંથી આવ્યું અને નફાના નાણાં ક્યાં જવાના હતા ? દિલ્હી સિવાય ભારતના અન્ય કયા મહાનગરોમાં આ ડ્રગ્સ સપ્લાય થવાનું હતું અને ભારતમાં તેનો મુખ્ય હેન્ડલર (રિસીવર) કોણ છે ? તેના પર તપાસ કેન્દ્રિત કરશે.
NIA અને ATSના સંયુક્ત ઓપરેશન બાદ આગામી દિવસોમાં દેશના અન્ય રાજ્યોમાં પણ દરોડા પડી શકે છે. ડ્રગ્સ માફિયાઓના આ મજબૂત નેટવર્કને તોડવા માટે એજન્સીઓ ફૂલ એક્શન મોડમાં છે, જેને જોતા આગામી સમયમાં કેટલાક હાઈપ્રોફાઈલ નામો સામે આવે અને વધુ ધરપકડો થાય તેવી પ્રબળ શક્યતાઓ છે.
અમદાવાદઃ વિમાનના ટોયલેટ સ્પીકરમાંથી રૂ. 4 કરોડોનું સોનું જપ્ત, બે પાઉચમાંથી 24 સોનાના બિસ્કિટ મળ્યાં | 2026-06-13 09:30:49
વિમાન દુર્ઘટનાનો ભોગ બનેલા લોકોના પરિવારોએ પ્રિયજનોને યાદ કર્યા, મૃતકો માટે સ્મારક બનાવવાની માંગ | 2026-06-13 09:09:38
ત્રણ ભારતીય ખલાસીઓના મોત પર જયશંકર ગુસ્સે ભરાયા, માર્કો રુબિયો સાથે ફોન પર નારાજગી વ્યક્ત કરી | 2026-06-13 08:45:56
ચોટીલાના PI- PSI સહિત 4 પોલીસકર્મીઓ સસ્પેન્ડ, સુરેન્દ્રનગર LCBમાં પણ મોટા પાયે બદલીઓ થઇ | 2026-06-12 18:19:56
પેરોલ પર છૂટેલા કુખ્યાત મોન્ટુ નામદારે પોલીસ સ્ટેશન બહાર જ પોલીસકર્મીને આપી જાનથી મારી નાખવાની ધમકી | 2026-06-12 18:09:58
બનાસકાંઠાઃ લાખણીના કૂવાણા ગામે જેતડા-દિયોદર હાઈવે પર ધોળા દિવસે સનસનાટીભરી હત્યા | 2026-06-12 18:03:39
ભરૂચમાં ડબલ મર્ડર, સસરાએ પુત્રવધૂ અને વેવાણની કરી હત્યા, પોતે પણ આપઘાતનો કર્યો પ્રયાસ | 2026-06-11 16:54:54
સ્ત્રીનો વેશ, તાંત્રિક શક્તિઓનો દાવો, લાખોની છેતરપિંડી, ગુજરાતમાં આ રીતે ચમત્કારના નામે રેકેટ ચાલતું હતું | 2026-06-11 16:13:19
ACB ટ્રેપ, આણંદમાં બે મહિલા પોલીસ કર્મીઓએ 1 લાખ 10 હજાર રૂપિયાની લાંચ લીધી હતી | 2026-06-10 16:56:02
બનાસકાંઠામાં સરપંચના પતિ રૂ.1,10,000 ની લાંચ લેતા એસીબીના હાથે ઝડપાયા | 2026-06-09 16:06:47
Copyright © 2026 Gujarat Post News.
Whatsapp
