Thu,23 September 2021,11:23 am
Print
header

પંજશીરમાં નાપાક હરકત, તાલિબાનની મદદ માટે પાકિસ્તાની વાયુસેનાએ ડ્રોનથી કર્યો બોમ્બમારો

કાબૂલઃ પંજશીર ઘાટીમાં કબ્જો જમાવવા માટે રેઝિસ્ટેંસ ફોર્સ અને તાલિબાન વચ્ચે જંગ ચાલુ છે. તાલિબાનો પંજશીર મેળવવા આકાશ પાતાળ એક કરી રહ્યાં છે. તમામ સંભવિત પ્રયત્નો કરી રહેલા તાલિબાનને હવે પાકિસ્તાનનો સાથ મળ્યો છે. પાકિસ્તાની વાયુસેના તરફથી પંજશીરમાં ડ્રોન હુમલો કરવામાં આવ્યો છે. જેમાં પંજશીરના પ્રવક્તા ફકીમ દશ્તીનું મોત થયું છે. પાકિસ્તાન એરફોર્સ તરફથી કરવામાં આવેલા ડ્રોન હુમલામાં મસૂદ પરિવારની નજીકના કમાંડરનું પણ મોત થયું હોવાનું સામે આવ્યું છે.

પાકિસ્તાની ડ્રોન હુમલાની વાત સામંગન પ્રાંતના પૂર્વ સાંસદ જિયા અરિયનજાદોએ કરી હતી. તેમણે જણાવ્યું કે 'પંજશીર પર પાકિસ્તાની વાયુસેનાના ડ્રોનની મદદથી બોમ્બમારો કરવામાં આવ્યો છે.આ બધા વચ્ચે સોમવારે પંજશીરમાં રેજિસ્ટેન્સ ફ્રન્ટે તાલિબાનને સીઝફાયરનો પ્રસ્તાવ પણ આપ્યો છે. જાણવા મળ્યાં મુજબ સાલેહ હાલ અજ્ઞાત સ્થળે સુરક્ષિત છે. અસદ મહમૂદ છેલ્લા 3 દિવસથી તાઝિકિસ્તાનમાં છે.

તાલિબાનના દાવા પ્રમાણે તેણે પંજશીર ઘાટી પર કંટ્રોલ કરી લીધો છે. પંજશીર રેજિસ્ટેન્સ ફ્રન્ટના દાવા પ્રમાણે હજુ પણ તેમનો જ કબ્જો છે. ઉલ્લેખનીય છે કે, હાલ પંજશીર પ્રાંતને છોડીને સમગ્ર અફઘાનિસ્તાન પર તાલિબાનનો કબ્જો છે. તાલિબાન હવે અફઘાનિસ્તાનમાં સરકાર બનાવી શકે છે.

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર

https://www.gujaratpost.in/news/listing/Gu

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch