Sat,25 June 2022,10:24 pm
Print
header

મુંદ્રા પોર્ટ પરથી ફરી એક વખત ડ્રગ્સનો મોટો જથ્થો ઝડપાયો- gujarat post

છેલ્લા આઠ મહિનામાં હજારો કરોડ રૂપિયાનું ડ્રગ્સ ઝડપાયું

મીઠું હોવાનું ડિક્લેરેશન ધરાવતું આ કન્સાઇનમેન્ટ ઈરાનથી વાયા દુબઈ થઈને મુંદ્રા પહોંચ્યું હતું

કચ્છઃ મુંદ્રા પોર્ટ પર ઇમ્પોર્ટ થયેલા એક કન્ટેનરને રોકીને તપાસ હાથ ધરવામાં આવતા તેમાંથી ડ્રગ્સનો જથ્થો મળી આવ્યો છે. આ કન્ટેનરના તમામ જથ્થાની તપાસ ચાલી રહી છે, તેના સેમ્પલ નાર્કોટીક્સ તપાસ માટે મોકલાયા હતા. ડિરેક્ટરોટ ઓફ રેવન્યુ ઈન્ટેલીજન્સ દ્વારા મુંદ્રા પોર્ટ પર કન્ટેનરને રોકીન તપાસ હાથ ધરાઇ હતી.

મીઠું હોવાનું ડિક્લેરેશન ધરાવતું આ કન્સાઇનમેન્ટ ઈરાનથી વાયા દુબઈ થઈને મુંદ્રા પહોંચ્યું હતું.જેમાં રહેલા જથ્થાને બહાર કાઢીને મોડી રાત સુધી તપાસ કરવામાં આવી હતી. તેમાં 50 કિલો જેટલો સિન્થેટીક ડ્રગ્સનો જથ્થો ઝડપી પાડવામાં આવ્યો હોવાનું જાણવા મળ્યું છે. તે હેરોઈન છે કે અન્ય કોઇ ડ્રગ તે તપાસ પૂર્ણ થયા બાદ સ્પષ્ટ થશે.

ગુજરાત હવે ડ્રગ્સની હેરાફેરી માટે હોટ સ્પોટ સાબિત થઇ રહ્યું  છે, છેલ્લા આઠ મહિનામાં હજારો કરોડ રૂપિયાનું ડ્રગ્સ રાજ્યમાંથી પકડાયું છે, પોલીસ અને સુરક્ષા એજન્સીઓ એલર્ટ હોવા છંતા વિદેશથી ડ્રગ્સ ઘૂસાડવાના પ્રયાસો ચાલી જ રહ્યાં છે. 

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch