Wed,10 August 2022,7:01 am
Print
header

ગાંધીનગર કોલવડા હત્યા કેસ, પુત્રીએ કટરથી પિતાનું ગળું કાપ્યું હતુ, પત્ની પણ હતી હત્યામાં સામેલ- Gujarat post

દીકરી ઘરમાં હોવા છતાં શરીરસુખની જીદ્દ કરી, ઈન્કાર કરતાં પિતાએ દીકરી પર દાનત બગાડી હતી

પુત્રીએ કટર વડે ગળું કાપ્યું અને પત્નીએ દસ્તા વડે મોતને ઘાટ ઉતારી દીધો

ગાંધીનગરઃ કોલવડમાં ઘનશ્યામ પટેલની સનસનીખેજ હત્યામાં મોટો ઘટસ્ફોટ થયો છે. પત્નીએ પોલીસ સમક્ષ કબૂલ્યું છે કે  પતિએ દીકરી ઘરમાં હોવા છતાં શરીરસુખ માણવાની જીદ પકડી હતી.જેનો ઈન્કાર કરતાં પતિએ દીકરી પર દાનત બગાડીને તેને પકડી લીધી હતી. જેને કારણે આ હત્યાને અંજામ આપ્યો હતો.

ઘનશ્યામ પટેલ ઘર કંકાસ અને ઝગડા કરતો હતો. વાત ત્યારે વણસી જ્યારે ઘનશ્યામે પોતાની જ પુત્રીનો બદ ઈરાદાથી હાથ પકડ્યો, સામે પુત્રીએ કટરથી પિતાનું  ગળું કાપી નાખ્યું અને પત્નીએ દસ્તાથી પતિના માથા પર હુમલો કરીને તેને મોતને ઘાટ ઉતારી દીધો હતો. ઘનશ્યામ પટેલને દારુ પીવાની ટેવ હોવાની વાત સામે આવી છે. હાલમાં પેથાપુર પોલીસે હત્યાનો ગુનો નોંધીને મૃતકના પત્ની અને પુત્રીની અટકાયત કરી છે.

કોલવડાનો ઘનશ્યામ પટેલ વર્ષો પહેલાં ગાંધીનગર જિલ્લા પંચાયત પાસે ગેરેજ ચલાવતો હતો. તેને ખેડાના માતરની રિશીતા સાથે પ્રેમ લગ્ન કર્યાં હતા.  ઘનશ્યામ દારૂડિયો અને શંકાશીલ સ્વભાવનો હોવાથી રોજ ઝઘડો કરતો હતો. જેમાં તેને હવે ધોરણ-9 માં અભ્યાસ કરતી  15 વર્ષની દિકરી પર નજર બગાડી હતી, દોઢ વર્ષથી વધારે પડતા ઘર કંકાસ અને મારઝૂડને કારણે રિશીતા દીકરીને લઈને અમદાવાદ ચાંદખેડામાં તેના માતા સાથે રહેતી હતી. પરંતુ થોડા દિવસ પહેલા જ રિશીતા દીકરીને લઈને જ કોલવડા ઘનશ્યામ સાથે રહેવા આવી હતી.હાલમાં પોલીસે આ મામલે વધુ તપાસ હાથ ધરી છે.

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch