નવી દિલ્હીઃ દિલ્હી વિધાનસભા ચૂંટણી 2025 પહેલા આમ આદમી પાર્ટીએ પૂજારીઓ અને ગ્રંથીઓ માટે સન્માન યોજનાની જાહેરાત કરી છે. આ યોજના હેઠળ દિલ્હીના તમામ પૂજારીઓ અને ગ્રંથીઓને ( ગુરૂદ્રારામાં પૂજા કરવનાર પૂજારી) દર મહિને 18000 રૂપિયા આપવામાં આવશે. ખાસ વાત એ છે કે આ યોજના હેઠળ મંગળવાર (31 ડિસેમ્બર)થી જ અરજી કરી શકાશે. દિલ્હી વિધાનસભા ચૂંટણી પહેલા આમ આદમી પાર્ટીની આ ત્રીજી મોટી યોજના છે. આ પહેલા આમ આદમી પાર્ટીના સંયોજક અને દિલ્હીના પૂર્વ મુખ્યમંત્રી અરવિંદ કેજરીવાલે મહિલા સન્માન યોજના અને સંજીવની યોજનાની જાહેરાત કરી હતી.
મહિલા સન્માન યોજના હેઠળ, દિલ્હીમાં 18 વર્ષથી વધુ ઉંમરની પાત્ર મહિલાઓને દર મહિને 1000 રૂપિયા આપવામાં આવશે. જો 2025માં આમ આદમી પાર્ટી સરકાર બનાવે છે, તો આ રકમ વધારીને 2100 રૂપિયા કરવામાં આવશે. સંજીવની યોજના હેઠળ દિલ્હીમાં 60 વર્ષથી વધુ ઉંમરના લોકોની સારવારનો ખર્ચ સરકાર ઉઠાવશે. કેજરીવાલે સોમવારે સવારે સોશિયલ મીડિયા પ્લેટફોર્મ X પર કહ્યું હતું કે તેઓ બપોરે 12 વાગ્યે એક મોટી જાહેરાત કરશે, જેનાથી દિલ્હીના લોકો ખૂબ જ ખુશ થશે.
दिल्ली के मंदिरों एवं गुरुद्वारों में सेवा करने वाले सभी पुजारियों और ग्रंथियों के सम्मान में एक महत्वपूर्ण योजना की घोषणा। @ArvindKejriwal जी और CM @AtishiAAP जी की Important Press Conference | LIVE https://t.co/qJyRaslKYa
— AAP (@AamAadmiParty) December 30, 2024
દિલ્હીમાં આગામી વર્ષે ફેબ્રુઆરી મહિનામાં વિધાનસભાની ચૂંટણી યોજાઈ શકે છે. આવી સ્થિતિમાં આમ આદમી પાર્ટી ચૂંટણી મોડમાં આવી ગઈ છે. દિલ્હીની તમામ 70 સીટો માટે આમ આદમી પાર્ટીના ઉમેદવારોની જાહેરાત કરવામાં આવી છે. પાર્ટીએ એવા નેતાઓની ટિકિટ પણ રદ્દ કરી દીધી છે જેમની સામે વિરોધનો અવાજ ઉઠાવવામાં આવી રહ્યો હતો. એક નેતાએ પોતે ચૂંટણી લડવાની ના પાડી કારણ કે મુસ્લિમ સમૂદાયના લોકો તેમનો વિરોધ કરી રહ્યાં હતા.
કેજરીવાલે મહિલા સન્માન યોજના અને સંજીવની યોજનાની જાહેરાત કરી છે
અરવિંદ કેજરીવાલે આ પહેલા દિલ્હીના લોકો માટે મહિલા સન્માન યોજના અને સંજીવની યોજનાની જાહેરાત કરી છે. આ માટે આમ આદમી પાર્ટીના કાર્યકરોએ રજીસ્ટ્રેશન પણ શરૂ કરી દીધું છે. મહિલા સન્માન યોજના વિવાદોમાં ફસાયેલી છે. દિલ્હીના અધિકારીઓએ અખબારમાં જાહેરાત આપી હતી કે સરકારે આવી કોઈ યોજનાની સૂચના જારી કરી નથી. આ સાથે લોકોને અપીલ કરવામાં આવી હતી કે તેઓ આવી સ્કીમનો શિકાર ન બને અને પોતાની અંગત માહિતી કોઈની સાથે શેર ન કરે. આમ આદમી પાર્ટીનો દાવો છે કે આ યોજના શરૂ કરવામાં આવી છે અને લાયક મહિલાઓને તેનો લાભ મળશે.
મહિલા સન્માન અને સંજીવની યોજના શું છે ?
મહિલા સન્માન યોજના હેઠળ દિલ્હીમાં 18 વર્ષથી વધુ ઉંમરની મહિલાઓને દર મહિને 1000 રૂપિયા મળશે. જો 2025માં આમ આદમી પાર્ટી ફરી સરકાર બનાવે છે તો આ રકમ વધારીને 2100 રૂપિયા કરવામાં આવશે. સંજીવની યોજના હેઠળ 60 વર્ષથી વધુ ઉંમરના લોકોને દિલ્હીમાં મફત સારવારની સુવિધા આપવામાં આવશે. તેમની સારવારનો સંપૂર્ણ ખર્ચ દિલ્હી સરકાર ઉઠાવશે.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
ટ્રમ્પ શાસનમાં 20 હજાર ભારતીયો પેપર્સ વગર અટવાયા... ફાઇનલ હટાવવાનો આદેશ આવવાનો છે | 2025-01-22 14:59:10
અમદાવાદ એરપોર્ટ પરથી 7 કરોડનું ડ્રગ્સ ઝડપાયું, ચાર દિવસમાં બીજી ઘટના - Gujarat Post | 2025-01-22 14:33:12
કર્ણાટકમાં ફળ-શાકભાજી વેચવા જતી ટ્રક ખીણમાં ખાબકી, 10 લોકોનાં મોત - Gujarat Post | 2025-01-22 11:59:29
તુર્કીના રિસોર્ટમાં ભીષણ આગ, અત્યાર સુધીમાં 66 લોકોનાં મોત, લોકો ડરના કારણે બારીમાંથી કૂદી પડ્યાં | 2025-01-21 20:28:51
ગૌતમ અદાણી મહાકુંભમાં, CM ભૂપેન્દ્ર પટેલ આ તારીખે લગાવશે આસ્થાની ડૂબકી - Gujarat Post | 2025-01-21 11:40:26
અરવિંદ કેજરીવાલની કાર પર પથ્થરમારો, AAPએ પ્રવેશ વર્મા પર લગાવ્યો મોટો આરોપ | 2025-01-18 18:56:50
શું ભાજપ સરકાર અમરેલીની દીકરીની જેમ કાર્તિક પટેલનો પણ વરઘોડો કાઢશે ? અમિત ચાવડાનું ટ્વિટ- Gujarat Post | 2025-01-18 18:39:12
અમરેલી લેટર કાંડઃ પરેશ ધાનાણીનાં ધરણાં પૂરા થયા, હવે ન્યાયની લડાઈની શરૂઆત | 2025-01-11 19:38:31
વડાપ્રધાન નરેન્દ્ર મોદી ગોધરા રમખાણો પર ખુલીને બોલ્યા, જાણો શું કહ્યું આ ઇન્ટરવ્યુંમાં ? | 2025-01-10 17:41:51
હું ભગવાન નથી, મારાથી પણ ભૂલ થઈ શકેઃ પ્રથમ પૉડકાસ્ટમાં બોલ્યા પીએમ મોદી - Gujarat Post | 2025-01-10 11:14:56
મુંબઈ પોલીસે સૈફ પર હુમલાના આરોપીને સાથે રાખી ક્રાઈમ સીન રિક્રિએટ કર્યો, જુઓ વીડિયો | 2025-01-21 11:02:04
Bigg Boss 18 Winner: કરણવીર મહેરા બન્યો Bigg Boss 18 નો વિજેતા, જીતી આટલી મોટી રકમ અને ટ્રોફી | 2025-01-20 09:35:53
પ્રયાગરાજના મહા કુંભ મેળામાં લાગી આગ, અનેક ટેન્ટ થયા બળીને ખાખ | 2025-01-19 16:53:05
Copyright © 2018-2024 Gujarat Post News.
Whatsapp
