Thu,21 May 2026,3:48 am
Print
header

ગોધરામાં કમળ ખિલ્યું: પાલિકાના ઈતિહાસમાં પ્રથમવાર કેસરીયો લહેરાયો, કોંગ્રેસના સુપડાં સાફ

  • Published By
  • 2026-04-28 18:04:06
  • /

ગોધરાઃ નગરપાલિકાની સામાન્ય ચૂંટણીના પરિણામોએ સ્થાનિક રાજકારણમાં એક નવો ઈતિહાસ રચી દીધો છે. પાલિકાના દાયકાઓ જૂના ઈતિહાસમાં પ્રથમ વાર ભારતીય જનતા પાર્ટીએ સ્પષ્ટ બહુમતી સાથે પોતાની પૂર્ણ સત્તા હાંસલ કરી છે. અત્યાર સુધીના અનેક રાજકીય ઉતાર-ચઢાવ બાદ, આ વખતે ભાજપે વિરોધ પક્ષોને ધૂળ ચટાડીને ગોધરાના ગઢ પર કબ્જો મેળવ્યો છે.

ગોધરા નગરપાલિકાના કુલ 11 વોર્ડની 44 બેઠકો માટે રસાકસી જામી હતી. ભાજપે એક ખાસ વ્યૂહનીતિના ભાગરૂપે તમામ બેઠકોને બદલે માત્ર 7 વોર્ડમાં પોતાના ઉમેદવારો મેદાનમાં ઉતાર્યા હતા. ભાજપનો 27 બેઠકો  સાથે ભવ્ય વિજય થયો હતો અને સ્પષ્ટ બહુમતી મળી હતી. અપક્ષને 17 બેઠકો મળી હતી. કોંગ્રેસ ખાતું પણ ખોલાવી શકી ન હતી.

આ ચૂંટણીમાં સૌથી ચોંકાવનારી બાબત એ રહી કે મુખ્ય વિરોધ પક્ષ ગણાતી કોંગ્રેસના તમામ ઉમેદવારોની હાર થઈ છે અને પક્ષનું ખાતું પણ ખુલ્યું નથી. બીજી તરફ, 17 બેઠકો પર અપક્ષ ઉમેદવારો જીતવામાં સફળ રહ્યાં છે, પરંતુ ભાજપ પાસે 27 બેઠકોનું સંખ્યાબળ હોવાથી હવે પાલિકામાં ભાજપનું એકચક્રી શાસન સ્થપાયું છે.

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch